మహేష్ చేతుల మీదుగా నితిన్ కళ్యాణం

టాలీవుడ్ లో పెళ్లి కానీ ప్రసాదుల్లో యంగ్ హీరో నితిన్ ఒకరు. ఐతే, పెళ్లికి ముందే ఆ ఎక్స్ పీరియన్స్ ని మాత్రం పొందాడు. ఆయన తాజా చిత్రం ‘శ్రీనివాస కళ్యాణం’. పెళ్లి తంతు నేపథ్యంలో తెరకెక్కిన చిత్రమిది. సతీష్ విగ్నేష దర్శకుడు. నితిన్-రాశీఖన్నా జంటగా నటించారు. ఈ నెల 9న ప్రేక్షకుల ముందుకు రానుంది.

ఈ సినిమా ట్రైలర్ ని సూపర్ స్టార్ మహేష్ బాబు చేతుల మీదుగా విడుదల కానుంది. దీంతో మహేష్ చేతుల మీదుగా నితిన్ కళ్యాణం జరగనుందని సరదా చెప్పుకొంటున్నారు. ఇప్పటికే విడుదల ఈ సినిమా టీజర్, పాటలు.. విపరీతంగా ఆకట్టుకొంటున్నాయి. ట్రైలర్ తో ఆంచనాలు మరింతగా పెరిగనున్నాయని చెబుతున్నారు. ‘శతమానం భవతి’ దర్శకుడు సతీష్ విగ్నేష్ నుంచి వస్తున్న చిత్రం కావడంతో ప్రేక్షకుల్లో భారీ అంచనాలున్నాయి.

ఈ ఫ్యామిలీ ఎంటర్ టైనర్ లో హీరోయిన్ నందిత శ్వేత రెండో హీరోయిన్ గా కనిపించనుంది. ఇందులో 70 మంది ఆర్టిస్టులు నటించడం విశేషం. ప్రకాశ్ రాజ్, జయసుధ, రాజేంద్రప్రసాద్ ,ఆమని, సీనియర్ నరేశ్ కీలక పాత్రలో కనిపించనున్నారు.