మెగాస్టార్ తర్వాత ఎన్టీఆర్ నే.. !
[one_half last=last]
మెగాస్టార్ చిరంజీవి తర్వాత యంగ్ టైగర్ ఎన్టీఆర్ అని తెలిసింది. ఇంతకీ ఏ విషయంలో అనుకొంటున్నారా ? బ్లాక్ బస్టర్ దర్శకుడిగా పేరు తెచ్చుకొన్నాడు కొరటాల శివ. ఇప్పటి వరకు ఆయన చేసిన సినిమాలన్నీ బ్లాక్ బస్టర్ హిట్స్ నే. మిర్చి, శ్రీమంతుడు, జనతాగ్యారేజ్, భరత్ అను నేను.. దేనికదే ప్రత్యేకమైనది. ఇప్పుడీ దర్శకుడు మెగాస్టార్ చిరంజీవితో సినిమా చేసేందుకు రెడీ అవుతున్నాడు. ఇప్పటికే కొరటాల కథని చిరు ఓకే చేశాడు. పూర్తి స్క్రిప్ట్ కూడా రెడీ కావొస్తుందని తెలిసింది. ప్రస్తుతం చిరు ‘సైరా నర్శింహారెడ్డి’తో బిజీగా ఉన్నారు. ఈ సినిమా తర్వాత కొరటాల సినిమాని సెట్స్ మీదకు తీసుకెళ్లనున్నారు.
చిరు తర్వాత కొరటాల యంగ్ టైగర్ ఎన్టీఆర్ మరో సినిమా చేసేందుకు ప్లాన్ చేసుకొన్నాడట. ఇప్పటికే తారక్ కోసం కథ కూడా రెడీగా ఉందట. వీరి కలయికలో వచ్చిన ‘జనతా గ్యారేజ్’ సూపర్ హిట్టయ్యింది. ఈ సినిమా సమయంలోనే కొరటాల దర్శకత్వంలో వెంటనే మరో సినిమా చేయాలనుందన్నారు తారక్. ఐతే, అప్పటికే కొరటాల మహేష్ సినిమాని ఒప్పుకొన్న కారణంగా కుదరలేదు. ఇప్పుడు మెగాస్టార్ సినిమా తర్వాత తారక్ తో సినిమా చేయడం పక్కా అంటున్నాడట కొరటాల.
