‘బిగ్ బాస్ హౌస్’లో కమల్ కనిపించేది..ఈరోజే !

యూనివర్సల్ హీరో కమల్ హాసన్ తెలుగు బిగ్ బాస్ లో కనిపించబోతున్న సంగతి తెలిసిందే. ఆయన తాజా చిత్రం ‘విశ్వ‌రూపం 2’ ప్రమోషన్స్ లో భాగంగా బిగ్ బాస్ హౌస్ లో సందడి చేయబోతున్నాడు. ఐతే, కమల్ వచ్చిన ఏపీసోడ్ ని ఈ ఆదివారం చూపించబోతున్న ప్రచారం జరిగింది. ఐతే, బిగ్ వాస్ సప్రైజ్ ఇచ్చాడు.ఈరోజే కమల్ బిగ్ బాస్ హౌస్ లో చూపించబోతున్నామని తెలిపారు. దీనికి సంబంధించిన ఫ్రోమో వీడియోని కొద్దిసేపటి క్రితమే విడుదల చేశారు.

లోక నాయకుడు, మన భారతీయుడు అంటూ నాని చెప్పిన వాయిస్ తో కమల్ బిగ్ బాస్ ఇంట్లోకి అడుగుపెట్టారు. ఈ సప్రైజ్ కు షాక్ తిన్న ఇంటి సభ్యులు పరుగెత్తుకొంటూ వచ్చి కమల్ ని రిసీవ్ చేసుకోవడం ప్రోమోలో చూపించారు. తమిళ్ బిగ్ బాస్ సీజన్ 1కి కమల్ హోస్ట్ గా వ్యవహరించారు. ఇప్పుడు తెలుగు బిగ్ బాస్ ఇంట్లో సందడి చేయబోతున్నాడు. ఆ సందడిని పూర్తి స్థాయిలో చూసేందుకు ఈ రాత్రి వరకు ఆగాల్సిందే.