సితార విడుదల చేసిన మహేష్25 లోగో
సూపర్ స్టార్ మహేష్ బాబు అభిమానులకు శుభవార్త . వంశీ పైడిపల్లి దర్శకత్వంలో మహేష్ 25వ చిత్రం తెరకెక్కుతోన్న సంగతి తెలిసిందే. ఈ సినిమా ప్రయాణం ఆగస్టు 9 నుంచి ప్రారంభం కాబోతోందని చిత్ర బృందం ప్రకటించింది. ‘మన సూపర్ స్టార్ మహేశ్‌బాబుతో కలిసి ఈ ప్రయాణంలో భాగస్వాములుకండి’ అని వంశీ పైడిపల్లి ట్వీట్‌ చేశారు. ఈ సందర్భంగా ప్రత్యేక పోస్టర్‌ను పంచుకున్నారు. ఈ పోస్టర్‌ను మహేష్ కుమార్తె సితార, ఆమె స్నేహితురాలు ఆద్య కలిసి విడుదల చేయడం విశేషం. బహుశా.. ఆగస్టు 9 మహేష్ పుట్టినరోజు కానుకగా సినిమా టైటిల్‌, ఫస్ట్‌లుక్‌ను విడుదల చేసే అవకాశాలు ఉన్నట్లు తెలుస్తోంది.
రైతు సమస్యలని టచ్ చేస్తూ మహేష్ 25 చిత్రం తెరకెక్కుతోన్నట్టు సమాచారమ్. ఇందులో మహేష్ మూడు ఢిఫరెంట్ షేడ్స్ గల పాత్రల్లో కనిపించనున్నారని తెలిసింది. కాలేజీ స్టూడెంట్, ఓ అమెరికన్ కంపెనీ సీఈవో, రైతుగా మహేష్ అలరిస్తాడట. బాలీవుడ్ దర్శకుడు రాజ్ కుమార్ హిరానీ సినిమా స్టయిల్ లో మహేష్ సినిమా ఉంటుందని చెబుతున్నారు. ఈ సినిమాలో మహేష్ సరసన పూజా హెగ్డే జతకట్టనుంది. కామెడీ హీరో అల్లరి నరేష్‌ మహేష్ స్నేహితుడిగా కనిపించనున్నారు. దేవిశ్రీ ప్రసాద్ సంగీతం. దిల్ రాజు-పివిపి-అశ్వినీదత్ లు సంయుక్తంగా నిర్మిస్తున్నారు.
