బిగ్ బాస్ 2 ఆదివారం హైలైట్స్
నేచురల్ స్టార్ నాని హోస్ట్ గా వ్యవహరిస్తున్న తెలుగు ‘బిగ్ బాస్ 2’ ఆసక్తికరంగా సాగుతోంది. ఈ 100రోజుల షో సగం పూర్తయ్యింది. ఇకపై షో డబుల్ ఎంటర్ టైన్ మెంట్ తో సాగనుందని నాని తెలిపారు. దీంతో బిగ్ బాస్ నుంచి మరిన్ని సప్రైజ్ లు ఉంటాయని ప్రేక్షకులు భావిస్తున్నారు.
ఈ వారం అందరు ఊహించినట్టే.. హౌస్ నుంచి నందిని ఎలిమినేట్ అయ్యింది. దీంతో కౌశల్ తో పెట్టుకొంటే అంతే.. అని ప్రచారానికి మరింత బలం చేకూర్చినట్టయ్యింది. ఎందుకంటే నందిని కౌశల్ టార్గెట్ చేస్తూ.. తనీష్ తో సన్నిహితంగా మెదిలింది. ఆమెను కౌశల్ ఆర్మీ టార్గెట్ చేస్తూ నెగటివ్ ప్రచారం చేశారు. ఆ ఎఫెక్ట్ నే నందిని బయటకు వచ్చేలా చేసిందని చెప్పుకొంటున్నారు.
ఇక, నందిని వెళ్తూవెళ్తూ రోల్ రిడాపై బిగ్ బాంబ్ ప్రయోగించింది. దీని ప్రకారం రోల్ రిడా వారం పాటు హౌస్‌లోని అందరికీ హెడ్ మసాజ్ చేస్తూ హౌస్‌లోని విషయాల గురించి మాట్లాడుకోవాలి.
