ఫిక్స్ : భారతీయుడు2లో అజయ్‌ దేవగణ్‌
క‌మ‌ల్‌హాస‌న్ – శంక‌ర్ కాంబినేష‌న్ లో వ‌చ్చిన ‘భారతీయుడు’ సంచలనం సృస్టించింది. ఇప్పుడు ఈ చిత్రానికి సీక్వెల్ రాబోతున్న సంగతి తెలిసిందే. సినిమాలో బాలీవుడ్‌ హీరో అజయ్‌ దేవగణ్‌ ప్రధాన పాత్ర పోషిస్తున్నారని ప్రచారం జరిగింది. ఈ విషయాన్ని కమల్ స్వయంగా చెప్పారు. ‘విశ్వరూపం 2’ ప్రమోషన్‌ పాల్గొన్న కమల్ ని.. అజయ్‌ ఈ సినిమాలో నటిస్తున్నారా ? అని అడగగా.. ‘అవును నాకూ తెలిసింది. ఇది దర్శకుడి నిర్ణయం’ అని ఆయన అన్నారు.
తొలుత ఈ సినిమా నిర్మాణ బాధ్యతల్ని దిల్‌రాజు తీసుకున్నారు. కానీ కొన్ని కారణాల వల్ల ఆయన ప్రాజెక్టు నుంచి తప్పుకున్నట్లు తెలిసింది. ఇప్పుడు లైకా ప్రొడక్షన్స్‌ సంస్థ నిర్మిస్తోంది. ఇందులో కమల్‌కు జోడీగా నయనతార నటించనున్నారని ప్రచారం జరుగుత్గోంది. అనిరుధ్‌ సినిమాకు బాణీలు అందించనున్నట్లు తెలిసింది. ఈ సినిమా తొలి షెడ్యూల్‌ హైదరాబాద్‌లో జరగనున్నట్లు తెలుస్తోంది. ఇప్పటికే భారీ సెట్‌ను ఏర్పాటు చేశారట. ప్రస్తుతం కమల్ ‘విశ్వరూపం 2’ ప్రమోషన్‌ పనుల్లో బిజీగా ఉన్నారు. ఆగస్టు 10న ఈ సినిమా ప్రేక్షకుల ముందుకుకు రాబోతుంది.
