అభిషేక్-ఐష్-అమితాబ్… కుదిరిందిలే.. !
కొడుకు, కోడలితో కలిసి బిగ్ బీ అమితాబ్ మరోసారి నటించబోతున్నారు. అభిషేక్‌బచ్చన్‌ – ఐశ్వర్యరాయ్‌ జంటగా ‘గులాబ్‌ జామున్‌’ తెరకెక్కనున్న సంగతి తెలిసిందే. అనురాగ్ కశ్యప్‌ దర్శకత్వం వహించనున్నారు. ఇందులోని ఓ కీలక పాత్రలో అమితాబ్ బచ్చన్‌ నటించనున్నారని తెలిసింది. దర్శకుడు అనురాగ్ కొన్ని నెలల క్రితమే అమితాబ్‌కు కథ వినిపించారు. కథకు సంబంధించి ఆయన కొన్ని సలహాలు, సూచనలు చేశారు. ఆ మార్పులు చేర్పులు చేసి కొత్త కథను ఇటీవలే అమితాబ్ కు వినిపించారట. ఆయన దాదాపు ఓకే చెప్పినట్టేనని చెప్పుకొంటున్నారు. సినిమాలో అమితాబ్ అభిషేక్, ఐశ్వర్యల్లో ఎవరో ఒకరికి తండ్రిగా నటించే అవకాశం ఉందని చెబుతున్నారు. గతంలో అమితాబ్-అభిషేష్-ఐష్ లు ‘బంటీ ఔర్‌ బబ్లి’ ‘సర్కార్‌ రాజ్‌’ సినిమాల్లో నటించిన సంగతి తెలిసిందే.
