త్రివిక్రమ్ సమేత తారక్.. రికార్డులే !
త్రివిక్రమ్-తారక్ కలిస్తే ఏం జరుగుతుంది ? ఈ విషయాన్ని ముందే ఊహించారు ఎన్టీఆర్ అభిమానులు. రికార్డులు బద్దలవ్వడం ఖాయమని ముందు నుంచి చెబుతున్నారు. ఇప్పుడదే జరుగుతోంది. ‘అరవింద సమేత’ ప్రీ రిలీజ్ బిజినెస్ ఓ రేంజ్ లో జరుగుతోంది. ఇప్పటికే ఈ సినిమా ఓవర్సీస్ రైట్స్ రూ. 12కోట్లకు అమ్ముడుపోయాయి. తాజాగా, శాటిలైట్ రైట్స్ రికార్డు రేటుకు అమ్ముడుపోయాయి.రూ. 23.5కోట్ల జీటీవీ ‘అరవింద సమేత’ శాటిలైట్ రైట్స్ ని సొంతం చేసుకొంది.
సాధారణంగానే త్రివిక్రమ్ సినిమాలకు బుల్లితెరపై భలే గిరాకీ ఉంటుంది. నువ్వు నాకు నచ్చావ్, అతడు, ఖలేజా.. ఎప్పుడు టీవీల్లో ప్రసారమైన మంచి టీఆర్పీ రేటింగ్స్ ని నమోదు చేస్తుంటాయ్. ఇక, ఎన్టీఆర్ అడుగుపెడితే రికార్డులు బద్దలు కావాల్సిందే. తారక్ హోస్ట్ గా వ్యవహరించిన బిగ్ బాస్ సీజన్ సూపర్ హిట్టయ్యింది. రికార్డు స్థాయిలో టీఆర్పీ రేటింగ్స్ ని నమోదు చేసింది. ఇటీవలే తారక్ గెస్ట్ గా వెళ్లిన ‘ఢీ10’ గ్రాండ్ ఫినాలే రికార్డు టీఆర్పీ రేటింగ్ ని నమోదు చేసింది. ఫైనల్ గా చెప్పేది ఏటంటే.. ? త్రివిక్రమ్, తారక్ ఇద్దరూ వెండితెర, బుల్లితెరపై కూడా కింగులే.
ఇదీగాక, త్రివిక్రమ్ తారక్ బ్రాండ్ లోకి వచ్చి చేస్తున్న చిత్రమిది. యాక్షన్-ఫ్యాక్షన్ ఎన్ టీఆర్ కు కొట్టిన పిండి. అరవింద సమేత రాయలసీమ ఫ్యాక్షన్ నేపథ్యంలో తెరకెక్కుతోంది. దీంతో పాటు త్రివిక్రమ్ మార్క్ ఫ్యామిలీ ఎలిమెంట్స్ ఉండనున్నాయి. దీంతో ‘అరవింద సమేత’ పై అంచనాలు మాములుగా లేవ్. అది సినిమా ప్రీ-రిలీజ్ బిజినెస్ లో స్పష్టంగా కనిపిస్తోంది. ఈ సినిమా శాటిలైట్ రైట్స్ కోసం పేరు మోసిన టీవీ ఛానల్స్ అన్నీ పోటీపడ్డాయి. ఈ విపరీతమైన పోటీ మధ్య జీ టీవీ రూ. 23.5కోట్లకు సొంతం చేసుకొంది.
