మహేష్ టైటిల్ ‘మహర్షి’ !

సూపర్ స్టార్ మహేష్ బాబు పుట్టినరోజు కానుక వచ్చేసింది. ఆయన 25వ సినిమా టైటిల్ పోస్టర్ ని విడుదల చేశారు. టైటిల్ “మహర్షి” పెట్టారు. ‘జాయిన్ ది జర్నీ ఆఫ్ రిషి’ అని పోస్టర్ పై రాసి ఉంది. దీంతో మహేష్ 25 సినిమా టైటిల్ ‘మహర్షి’. ఇందులో మహేష్ పాత్ర పేరు ‘రిషి’ అని క్లారిటీ వచ్చినట్టయ్యింది. పోస్టర్ లో మహేష్ చేతిలో ల్యాప్ ట్యాప్ తో నడుచుకుంటూ వెళ్తున్నాడు. బ్యాక్ డ్రాప్ లో కాలేజీ కనిపిస్తోంది. బహుశా.. కాలేజీ ముగించుకొని సీఈవోగా జాయిన్ అయ్యేందుకు వెళ్తున్నట్టు అనిపిస్తోంది

ఇంతకుముందే సినిమాలో మహేష్ పాత్ర పేరు ‘రిషి’ని రోజులో ఆంగ్ల అక్షరాన్ని విడుదల చేస్తూ ఆసక్తిని పెంచేసింది చిత్రబృందం. దీంతో మహేష్ ‘రిషి’గా కనిపించబోతున్నాడని అభిమానులు ఫిక్సైపోయారు. ఐతే, టైటిల్ కూడా అదే అయి ఉంటుందా ? లేదంటే ‘మహర్షి’ అయి ఉంటుందా.. ? అనేది సస్పెన్స్ గా మారింది. ఇప్పుడా సస్పెన్స్ తొలగిపోయింది. మహేష్ @25 టైటిల్ మహర్షి.

ఈ సినిమాలో మహేష్ మూడు డిఫరెంట్ షేడ్స్ ఉన్న పాత్రలో కనిపించబోతున్నట్టు ప్రచారం జరుగుతోంది. కాలేజీ స్టూడెంటు, ఓ అమెరికన్ కంపెనీ సీఈవో, రైతుగా మహేష్ కనిపిస్తారట. అందుకు తగ్గట్టుగానే టైటిల్ ని ఫిక్స్ చేశారు. మహేష్ రిషి, మహర్షి పాత్రలో కనిపించబోతున్నట్టు తెలుస్తోంది. ఈ చిత్రానికి వంశీపైడిపల్లి దర్శకుడు. మ‌హేశ్ జోడిగా పూజా హెగ్డే న‌టిస్తుండ‌గా, హీరో అల్లరి నరేష్‌ ఓ కీలక పాత్ర పోషిస్తున్నారు.