బిగ్ బాస్ బాబు కథ ముగిసింది

బిగ్ బాస్ 2లో బిగ్ బాసు బాబు గోగినేని. వయసులో ఆయనే పెద్ద. హౌస్’లోనూ ఆయన పెద్ద మనిషిగా వ్యవహరించేవాడు. తోటి సభ్యులకు సలహాలు, సూచనలు చేస్తుండేవాడు. ఐతే, ఇప్పుడీ పెద్దమనిషి కథ ముగిసింది. ఈ వారం బాబు గోగినేని ఎలిమినేట్ అయ్యారు. దీంతో కౌశల్ తో పెట్టుకొంటే.. అంతే. అనే ప్రచారానికి మరింత బలం చేకూరినట్టయ్యింది. హౌస్’లో బాబు గోగినేనికి ఎవ్వరితో సమస్య లేదు. ఒక్క కౌశల్ తో తప్ప. వీరిద్దరికి పెద్ద యుద్దమే జరిగింది. ఎంతలా అంటే.. బిగ్ బాస్ 2లో నేనైనా ఉండాలి. కౌశల్ అయినా ఉండాలని బాబు సవాల్ చేసేంతగా జరిగింది.

ఫైనల్ గా ఈ యుద్ధంలో కౌశల్ విజయం సాధించినట్టయ్యింది. కౌశల్ ఆర్మి బాబు గోగినేని టార్గెట్ చేసింది. ఐతే, ఆ టార్గెట్ నుంచి గత వారం బాబు తప్పించుకొన్నారు. పోయినవారం నందిని ఎలిమినేట్ కావడంతో బాబు సేఫ్ అయ్యారు. ఈ వారం బాబుకు తప్పలేదు. ఎప్పుడూ ఎలిమినేషన్ లో ఉంటూ వస్తున్న కామెన్ మేన్ గణేష్ మరోసారి సేఫ్ జోన్ లోకి వెళ్లడం విశేషం. ఇక, ఇంటి నుంచి బయటికొచ్చిన బాబు గోగినేని.. తనకు లభించిన బిగ్ బాంబుని రోల్ రైడా పై విసిరారు. ఆయన ఈ వారమంతా బాత్రూమ్స్ క్లీన్ చేయాల్సి ఉంటుంది.