జనసేన ‘పిడికిలి’ బిగించింది

జనసేన ‘పిడికిలి’ బిగించింది. ఆ పార్టీ గుర్తు ‘పిడికిలి’గా ప్రకటించారు జనసేనాని పవన్ కళ్యాణ్. పశ్చిమగోదావరి జిల్లా నిడదవోలు సభలో పార్టీని గుర్తుని వెల్లడించారు పవన్. సమాజంలో అందరి ఐక్యతకు చిహ్నంగా పిడికిలి ఉంటుందన్నారు. అన్ని కులాలు, మతాలు, ప్రాంతాలు కలసికట్టుగా ఉండి బలాన్ని చాటేలా పిడికిలి చూపుతామని, అందుకే ఈ గుర్తును ఎంపిక చేశామని చెప్పారు.

జనసేన పార్టీ ప్రకటన చేసేందుకు ఏర్పాటు చేసిన తొలి సమావేశంలోనే.. గట్టిగా ప్రశ్నించబోతున్నట్టు పిడికిలి బిగించి మరీ చెప్పాడు పవన్. ఇప్పుడా ‘పిడికిలి’నే తన పార్టీ గుర్తుగా ఎంపిక చేసుకోవడం విశేషం. ఈ సింబల్ యూత్ ని బాగా ఆకట్టుకొనేలా కనబడుతోంది. ఇక, ఇన్నాళ్లు ఏపీలో సైకిల్, ఫ్యాన్, కమలం, చేయి.. గుర్తులే కనిపించేవి. ఇకపై ‘పిడికిలి’ కనిపించనుంది. పిడికిలి పవర్ ఏంటన్నది వచ్చే ఎన్నికల్లో తేలనుంది.