‘నవాబ్’ ఫస్ట్ లుక్

ప్రముఖ దర్శకుడు మణిరత్నం రూపొందిస్తున్న భారీ మల్టీస్టారర్‌ చిత్రం ‘చక్క చివంత వానం’. తెలుగులో ‘నవాబ్’గా తీసుకొస్తున్నారు. గ్యాంగ్ స్టర్ నేపథ్యంలో తెరకెక్కుతోన్న చిత్రమిది. విజయ్ సేతుపతి, అరవింద్ సామి, జ్యోతిక, అదితీ రావు హైదరీ, ఐశ్వర్యా రాజేష్ ఇందులో ముఖ్య పాత్రలు పోషిస్తున్నారు.

తాజాగా ఈ సినిమా నుంచి అరవింద్ స్వామి ఫస్టులుక్ ను రిలీజ్ చేశారు. ‘వరద’ అనే పాత్ర పేరుతో అరవిందస్వామిని పరిచయం చేస్తూ వదిలిన ఈ ఫస్టు లుక్ ఆకట్టుకొనేలా ఉంది. రఫ్ లుక్ తో యాక్షన్.. ఎమోషన్ తో కూడిన ఎక్స్ ప్రెషన్ తో అరవిందస్వామి కనిపిస్తున్నాడు.

ఈ భారీ మల్టీస్టారర్‌ను మద్రాస్‌ టాకీస్‌, లైకా ప్రొడక్షన్స్‌ హౌజ్‌ వారు సంయుక్తంగా నిర్మిస్తున్నారు. ఈ చిత్రానికి రెహ్మాన్ మ్యూజిక్. సెప్టెంబర్ 28న నవాబ్ ని ప్రేక్షకుల ముందుకు తీసుకురానున్నారు.