సునీల్ సమేత తారక్

యంగ్ టైగర్ ఎన్టీఆర్ రంగంలోకి దిగితే ఎట్టుట్టదో.. ‘అరవింద సమేత’ టీజర్ తో మరోసారి తెలిసొచ్చింది. స్వాత్రంత్య్ర దినోత్సవం కానుకగా బుధవారం ‘అరవింద సమేత’ టీజర్ ని విడుదల చేసింది చిత్రబృందం. విడుదలైన గంటలోపే 4 మిలియన్ వ్యూస్ క్రాస్ అయింది. రికార్డు స్థాయిలో డిజిటల్ వ్యూస్ ని దక్కించుకొంది. అరె.. తారక్ ని త్రివిక్రమ్ ఏం వాడుకొన్నాడ్రా అని చెప్పుకొంటున్నారు. ఆయనలోని మాస్ యాంగిల్ ని ఫుల్లుగా వాడేసుకొన్నట్టు టీజర్ తో అర్థమైపోయింది.

టీజర్ ఈ రేంజ్ లో ఉంటే.. సినిమా ఇంకే రేంజ్ లో ఉండాలె. ఇక ఊచకోతే. ఆ కోతకి రికార్డులు బద్దలు కావాల్సిందేనని నందమూరి అభిమానులు చెప్పుకొంటున్నారు. ఇక, టీజర్ లో ఎన్టీఆర్ సింగిల్ గా వచ్చినట్టు కనబడింది. కాసింత జాగ్రత్తగా చూస్తే సునీల్ సమేత తారక్ కనిపిస్తాడు. కుర్చీతో గాల్లోకి ఎగిరి క్రింద కూర్చోనే సీన్ లో పక్కనే సునీల్ కనిపిస్తున్నాడు. దీంతో ఎన్నాళ్లు ఇతర హీరోల సినిమాలో సునీల్ ని చూశామని ఆయన అభిమానులు సంబరపడిపోతున్నారు.

హీరోగా పెద్దగా విజయలేమీ దక్కకపోవడంతో సునీల్ ‘అరవింద సమేత’తో కమెడియన్ గా రీ-ఎంట్రీ ఇస్తున్న సంగతి తెలిసిందే. ఆయన ఫుల్ లెన్త్ పాత్రలో కనిపించనున్నాడు. దానికి పారితోషికంగా రూ. కోటి తీసుకొంటున్నట్టు సమాచారమ్. ఈ సినిమాతో పాటు రవితేజ ‘అమర్ అక్బర్ ఆంథోనీ’లోనూ సునీల్ కమెడియన్ గా కనిపించబోతున్నారు.