రూటు మార్చిన బెల్లకొండ

యంగ్ హీరో బెల్లకొండ శ్రీనివాస్ సినిమాలు భారీ బడ్జెట్ తో తెరకెక్కుతుంటాయి. ఆయన సరసన స్టార్ హీరోయిన్స్ నటిస్తున్నారు. మరో స్టార్ హీరోయిన్ తో ఐటమ్ సాంగ్ ఉండాల్సిందే. ఇందుకోసం వాళ్లకి కోటికిపైగా కుమ్మరిస్తారు. మొత్తంగా బడ్జెట్ తడిసి మోపడు అవుతుంది. తీరా ప్రేక్షకుల ముందుకొచ్చిన సినినిమా.. సగం బడ్జెట్ ని కూడా తిరిగి తీసుకురాలేకపోతున్నాయి. ఇటీవలే ప్రేక్షకుల ముందుకొచ్చిన సాక్ష్యం కోసం రూ. 40కోట్లు ఖర్చు పెట్టారు. అందులో సగం కూడా తిరిగి తీసుకురాలేదు సినిమా. రూ. 10 కోట్లు వసూళ్లు సాధించేందుకే క్రిందా మీదా పడుతోంది.

ఈ నేపథ్యంలో బెల్లకొండ రూటు మార్చారు. ఇకపై తన సినిమాలని చాలా తక్కువ బడ్జెట్ తో తెరకెక్కేలా ప్లాన్ చేసుకొంటున్నాడా.. ? ప్రస్తుతం తేజ దర్శకత్వంలో ఓ సినిమా చేస్తున్నాడు బెల్లకొండ. ఇందులో కాజల్, పాయల్ రాజ్ పుత్ హీరోయిన్స్. ముందుగా ఈ సినిమాని భారీ బడ్జెట్ తోనే ప్లాన్ చేశారు. ఐతే, సాక్ష్యం రిజల్ట్ తర్వాత తేజ సినిమాకు కాస్ట్ కటింగ్ చేసినట్టు తెలిసిందే. ఇకపై కూడా బెల్లకొండ కంటెంట్ బేసిడ్ సినిమాలు చేయాలనే నిర్ణయానికి వచ్చారట. చాలా తక్కువ బడ్జెట్ తో ప్రేక్షకుల ముందుకొచ్చిన పెళ్లి చూపులు, అర్జున్ రెడ్డి, ఆర్ ఎక్స్ 100 బ్లాక్ బస్టర్ హిట్ గా నిలిచాయి. ఇప్పుడు బెల్లకొండ ఇలాంటి కథల కోసమే వెయిట్ చేస్తున్నట్టు ఫిల్మ్ నగర్ సమాచారమ్.