ఇది విన్నారా.. ? విలన్ గా త్రివిక్రమ్ !
త్రివిక్రమ్ అంటే మాటల మాంత్రికుడు. మంచి దర్శకుడు. అద్భుతమైన సినిమాలు తీయగల ప్రతిభ ఉన్న దర్శకుడు అతడు. దర్శకుడిగా త్రివిక్రమ్ స్థాయి ఎవరెస్టు. విజయాల్లో కాదు. ప్రేక్షకుడి మనసుని కదలించడంలో. ఇన్నాళ్లు ఆయన మాటల పవర్, దర్శకుడి ప్రతిభని మాత్రమే చూశాం. ఇకపై ఆయనలోని నట విశ్వరూపాన్ని చూడబోతున్నామా ? అంటే అవుననే విధంగా నటుడు బ్రహ్మాజీ ఓ పోస్టుపెట్టాడు.
త్రివిక్రమ్ కు సంబంధించిన ఓ ఫోటోను బ్రహ్మాజీ ఇంస్టాగ్రామ్ లో పోస్ట్ చేశాడు. ఇందులో త్రివిక్రమ్ హుడ్ క్యాప్ తో రఫ్ గడ్డంతో ఉన్నాడు అచ్చం విలన్ గా కనిపిస్తున్నారు. దానికి.. ‘వస్తున్నా.. బీ రెడీ’ అనే కాప్షన్ ఇచ్చాడు బ్రహ్మాజీ. అది త్రివిక్రమ్ విలన్ విలన్ రాబోతున్నాడు. ఇక, కాచుకోండి అన్నట్టుగా ఉంది. మరీ.. నిజంగా త్రివిక్రమ్ విలన్ గా మారుతాడా ? అన్నది ఆసక్తిగా మారింది.
ప్రస్తుతం త్రివిక్రమ్ తారక్ ‘అరవింద సమేత’తో బిజీగా ఉన్నారు. అజ్ఝాతవాసి తర్వాత త్రివిక్రమ్ చేస్తున్న చిత్రమిది. ఇటీవలే విడుదలైన అరవింద సమేత టీజర్ కు మంచి స్పందన వస్తోంది. బ్లాక్ బస్టర్ హిట్ కొట్టబోతున్నట్టు ముందే హింట్ ఇచ్చేసినట్టు టీజర్ ని కట్ చేశారు. ఇందులో త్రివిక్రమ్ మాట, తారక్ యాక్షన్ అదిరిపోయింది. అరవింద సమేత విజయంతో అజ్ఝాతవాసి ప్లాపు మచ్చని త్రివిక్రమ్ చెరిపేసుకొనేలా కనిపిస్తున్నారు.
