లైన్’లోకి బన్నీ తమిళ్ సినిమా !
స్టయిలీష్ స్టార్ అల్లు అర్జున్ కోలీవుడ్ లో ఎంట్రీ ఇచ్చేందుకు ఎప్పటి నుంచో ట్రై చేస్తున్నాడు. అది ఓకే అయ్యింది కూడా. లింగుస్వామి దర్శకత్వంలో ద్విబాష చిత్రాన్ని ప్లాన్ చేసుకొన్నాడు. గత యేడాది చెన్నై వెళ్లి తన తమిళ్ సినిమాపై ప్రకటన కూడా చేసొచ్చారు బన్నీ. ఐతే, దాన్ని ఇప్పటి వరకు సెట్స్ మీదకు తీసుకెళ్లలేదు. బన్నీతో సినిమా కచ్చితంగా ఉంటుంది. కాకపోతే కాస్త ఆలస్యం కావొచ్చని లింగుస్వామి ఒకట్రెండు సార్లు తెలిపారు.
ఐతే, లింగుస్వామి కంటే ముందే మరో దర్శకుడి సినిమాతో బన్నీ కోలీవుడ్ లో ఎంట్రీ ఇవ్వబోతున్నట్టు సమాచారమ్. బన్నీ ఆప్తమిత్రుడు బన్నీ వాసు ‘గీత గోవిందం’ మరో విజయాన్ని అందుకొన్నాడు. ఇప్పుడీ నిర్మాత బన్నీతో రెండు భారీ సినిమాలు ప్లాన్ చేశాడు. ఇందులో సినిమాని తమిళ్ లోనూ విడుదల చేయబోతున్నారు. ద్విబాష చిత్రంగా తెరకెక్కనుందట. ఈ విషయాన్ని స్వయంగా బన్నీవాసు చెప్పడంతో.. స్టయిలీష్ స్టార్ కోలీవుడ్ ఎంట్రీ దాదాపు ఖాయమైనట్టేనని చెప్పుకొంటున్నారు.
