ప్రిన్స్’తో పరశురామ్ ఫిక్స్

‘గీత గోవిందం’ సినిమా రిలీజ్ తర్వాత దర్శకుడు పరశురామ్ పేరు మారుమ్రోగిపోతుంది. ఆయన తదుపరి సినిమాపై ఆసక్తి పెరిగింది. అది కూడా గీతా ఆర్ట్స్ లోనే ఉంటుందని చెప్పడంతో.. మెగా హీరోతోనే ఉంటుందని చెబుతున్నారు. ఆ హీరో స్టయిలీష్ స్టార్ అల్లు అర్జున్ అయితే ఇంకా బాగుంటుందని మెగా అభిమానులు అనుకొంటున్నారు. దానికి ఇంకాస్త టైం పడుతుందని పరశురామ్ ఇప్పటికే క్లారిటీ ఇచ్చారు. మరీ.. పరశురామ్ డైరెక్ట్ చేయబోయే మెగా హీరో ఎవరు.. ? అన్నది ఆసక్తిగా మారింది.

ఇంకేవ్వరు ప్రిన్స్. మెగా ప్రిన్స్ వరుణ్ తేజ్. పరశురామ్ తదుపరి సినిమా వరుణ్ తేజ్ తో ఉండనుందని తెలిసింది. అది కూడా గీతా ఆర్ట్స్ 2 బ్యానర్ లో బన్నీ వాసు నిర్మాతగా తెరకెక్కనుందని సమాచారమ్. ప్రస్తుతం వరుణ్ తేజ్ ‘ఎఫ్2, ‘అంతరిక్షం’ సినిమాలతో బిజీగా ఉన్నారు. ఈ రెండు సినిమాలు పూర్తయిన తర్వాత పరశురామ్ సినిమాని సెట్స్ మీదకు తీసుకెళ్లనున్నారు. ఫిదా, తొలిప్రేమ సినిమాల హిట్స్ తో వరుణ్ తేజ్ మాంచి జోష్ లో ఉన్న సంగతి తెలిసిందే.

మరోవైపు, గీత గోవిందం తర్వాత పరశురామ్ మంచి విష్ణుతో ఓ సినిమా చేయబోతున్నట్టు వార్తలొచ్చాయ్. దీనికి మోహన్ బాబు నిర్మాతగా వ్యవహరిస్తారని ప్రచారం జరిగింది. ఇంతలోనే పరశురామ్ తదుపరి సినిమా వరుణ్ తేజ్ తో ఫిక్స్ అయిందనే న్యూస్ బయటికొచ్చింది. మరికొద్ది రోజులు ఆగితే గానీ.. పరశురామ్ తదుపరి సినిమా విషయంలో క్లారిటీ రానుంది.