ఐష్ పక్కన అనుష్క

బాలీవుడ్ స్టార్ హీరోయిన్, బిగ్ బీ కోడలు ఐశ్వర్యారాయ్ పక్కన స్వీటీ అనుష్క పేరు వినబడుతోంది. వీరిద్దరు జయలలిత పాత్ర కోసం పోటీపడుతున్నారంట. తమిళనాడు మాజీ ముఖ్యమంత్రి, ఒకప్పటి కథానాయిక జయలలితపై బయోపిక్ తీయాలనుకుని ఆలోచించే దర్శక-నిర్మాతల సంఖ్య రోజు రోజుకీ ఎక్కువ అవుతోంది.

ఇప్పటికే నిర్మాత విష్ణు ఇందూరి జయలలిత బయోపిక్ ఒకటి ప్రకటించారు. ‘మదరాసిపట్టణం’, ‘అన్న’, ‘నాన్న’ సినిమాల ఫేమ్ విజయ్ దర్శకత్వంలో ఈ బయోపిక్ ఉండనుంది. జయలలిత పాత్ర కోసం నయనతార, త్రిష, విద్యా బాలన్, సోనాక్షి సిన్హా.. పేర్లు పరిశీలనలో వున్నట్టు వార్తలొచ్చాయ్.

తాజాగా, భారతీరాజా దర్శకత్వంలో ‘అమ్మ – పురట్చి తలైవి’ అని మరో బయోపిక్‌ని ఆదిత్య భరద్వాజ్ అనే నిర్మాత ప్రకటించారు. ఇందులో జయలలిత పాత్రలో నటించడానికి అనుష్క లేదంటే ఐశ్యర్యారాయ్ ని తీసుకోవాలని చూస్తున్నారంట. ఎంజీఆర్ పాత్రకు కమల్ హాసన్‌ని సంప్రతిస్తున్నామని స్పష్టం చేశారు. కమల్ కాదంటేమోహ‌న్‌లాల్‌ని మ‌రో ఆప్ష‌న్‌గా పెట్టుకున్నారు. ఇద్ద‌రితోనూ చ‌ర్చ‌లు జ‌రుపుతున్నారంట. డిసెంబర్ నెలలో చిత్రీకరణ మొదలు పెడతారని తెలిసింది.