చిరు బ్లాక్ బస్టర్’పై భన్సాలీ కన్ను

‘ఖైదీ’ సినిమాతో స్టార్ హీరో అనిపించుకొన్నాడు మెగాస్టార్ చిరంజీవి. ‘ఖైదీ నెం.150’తో ఆ స్టార్ డమ్ ఏమాత్రం తగ్గలేదని నిరూపించుకొన్నాడు. దాదాపు 9యేళ్ల గ్యాప్ తర్వాత మెగాస్టార్ చేసిన చిత్రమిది. నాన్ బాహుబలి రికార్డులని క్రాస్ చేసింది. తమిళ్ లో మురగదాస్ దర్శకత్వంలో విజయ్ హీరోగా వచ్చిన ‘కత్తి’ సినిమాకు రిమేక్ ఇది. అక్కడ బాక్ బస్టర్ హిట్ గా నిలిచింది. రైతు సమస్య నేపథ్యంలో తెరకెక్కిన ఈ చిత్రాన్ని మెగాస్టార్ మనసుపడి రిమేక్ లో నటించారు. ఆయన నమ్మకం నిజమైంది. ఖైదీ నెం. 150తో చిరు రీ-ఎంట్రీని ఘనంగా చాటింది.

ఇప్పుడీ సినిమాని బాలీవుడ్ లో రిమేక్ చేసేందుకు ప్రయత్నాలు జరుగుతున్నాయట. ఈ కథపై బాలీవుడ్ దర్శక-నిర్మాత సంజయ్ లీలా భన్సాలీ మనసుపడ్డారట. ఐతే, ఈ చిత్రానికి ఆయన దర్శకత్వం వహించరని తెలిసింది. కేవలం నిర్మాతగా వ్యవహరించబోతున్నట్టు సమాచారమ్. బహుశా.. ఆ బాధ్యతలని మురగదాస్ కే అప్పగించే అవకాశం ఉంది. హీరోగా అక్షయ్ కుమార్ ఎన్నుకొని అవకాశం ఉందని చెబుతున్నారు. మరీ.. ఈ కత్తిలాంటి కథ బాలీవుడ్ ప్రేక్షకులని ఏ మేరకు మెప్పిస్తాడనేది చూడాలి.