ఆ ఫీల్ ఏది.. బిగ్ బాస్.. ?

ఊరించి, ఉడికించి.. ఉత్కంఠకు గురిచేస్తూ ప్రేక్షకుడికి వినోదాన్ని పంచడం బిగ్ బాస్ ప్రత్యేకత. దానికి తగ్గట్టుగానే ‘బిగ్ బాస్.. ఏదైనా జరగొచ్చు’ అని పెట్టారు. ఐతే, ఇప్పుడు ఏం జరిగినా ముందు తెలిసిపోతుంది. ప్రతివారం ఎవరు ఎలిమినే కాబోతున్నారన్నది ముందే తెలిసిపోతుంది. షోకు వచ్చే అతిథుల వివారాలు, వచ్చే అతిథులు షో లో ఏం చేయబోతున్నారన్నది కూడా ముందస్తుగా లీకవుతున్నాయి. దీంతో బిగ్ బాస్ లో ప్రేక్షకుల్లో ఆసక్తి తగ్గుతోంది.

యంగ్ టైగర్ ఎన్ టీఆర్ హోస్ట్ గా వ్యవహరించిన తెలుగు బిగ్ బాస్ సీజన్ 1 అదిరిపోయింది. సోమవారం నుంచి శుక్రవారం వరకు షో ఎలా సాగినా.. శని, ఆదివారాల్లో తారక్ మంత్రం పనిచేసింది. తారక్ తనదైన శైలిలో రక్తికట్టించేవారు. సీజన్ 1 ముంబై వేదికగా జరగడం వలన ఇలాంటి లీకులు అప్పుడు లేవు. ఐతే, సీజన్ 2 ని హైదారాబాద్ లో నిర్వహించడం పెద్ద తలనొప్పిగా మారింది. ప్రతి చిన్ని విషయం ముందుగానే బయటికొచ్చేస్తోంది.

ఈ వారం ఎలిమినేషన్స్ లో దీప్తీ, పూజ, తనీష్‌, కౌశల్‌ ఉన్నారు. ఐతే, వీరిలో ఈ వారం దీప్తి ఎలిమినేట్ కానుందనిన్ ముందే చెప్పేస్తున్నారు. గత వారం ఇలాగే దీప్తి సునైనా ఎలిమినేట్ కానుందని ప్రచారం జరిగింది. అదే జరిగింది. ఇప్పుడు దీప్తి అంతున్నారు. ఇలా నాలుగైదు రోజుల ముందే బిగ్ బాస్ లో జరగబోయే చెప్పేస్తున్నారు. ఇక, బిగ్ బాస్.. ఏదైనా జరగొచ్చు అని కాకుండా బిగ్ బాస్ లో ఏం జరిగినా ముందే తెలుసుకోవచ్చు.. అని నాని తో చెప్పిస్తే మంచిదేమో.. !