అలా చేసిన వారు విజ‌యం సాధించిన‌ట్టు చ‌రిత్రలో లేదు..
ప్ర‌స్తుతం ముంద‌స్తు ఎన్నిక‌లపై ఊహాగానాలు వ‌స్తున్న నేప‌థ్యంలో కాంగ్రెస్ నేత జీవ‌న్ రెడ్డి ఈ విష‌యంపై స్పందించారు. ముంద‌స్తుకు వెళ్లిన ఏ పార్టీ విజ‌యం సాధించ‌లేదని ఆయ‌న చెప్పుకొచ్చారు. రాజీవ్ గాంధీ, ఎన్టీఆర్, చంద్ర‌బాబు ముంద‌స్తుకు వెళ్లి గెల‌వ‌లేదని గుర్తు చేశారు.కేసీఆర్ స‌ర్వేల‌న్నీ బూట‌క‌మేన‌ని, ప్ర‌తి స‌ర్వేలోనూ ఆయ‌న‌కు 50 సీట్లు మించ‌లేదన్నారాయ‌న.వ్య‌తిరేక‌త‌ను త‌గ్గించుకునేందుకే ముంద‌స్తు జ‌పం చేస్తున్నార‌ని, ప్ర‌జ‌లు కేసీఆర్ మీద తీవ్ర అసంతృప్తితో ఉన్నారని ఆయ‌న చెప్పారు.ఎన్నిక‌లు ఎప్పుడొచ్చినా కాంగ్రెస్ సిద్ధమ‌ని, ప్ర‌తిప‌క్షం బ‌ల‌హీనంగా ఉంద‌న్న‌ది కేసీఆర్ భ్ర‌మేన‌ని అన్నారాయ‌న.
