బ్రహ్మానందం ఇక బుల్లితెరపై.. !
టాలీవుడ్ స్టార్ కమెడియన్, నవ్వుల రారాజు బ్రహ్మానందం సడెన్ సర్ ప్రైజ్ ఇచ్చాడు. ఇక, ఆయన బుల్లితెరపై నవ్వులు పంచనున్నారు. ఓ టీవీ ఛానల్ నిర్వహించబోయే కామెడీ షోకు హోస్ట్ గా వ్యవహరించనున్నారు బ్రహ్మీ. తాజాగా, దానికి సంబంధించిన ప్రోమో విడుదల చేశారు. స్టాండప్ కామెడీ యార్.. కూర్చుని కూడా నవ్వుకోవచ్చు అంటూ బ్రహ్మానందం తన కామెడీ పంచ్ లు మొదలెట్టేశారు.
తెలుగు తెరపై బ్రహ్మీది స్టార్ హీరో రేంజ్. ఆ రేంజ్ లోనే పారితోషికం కూడా తీసుకొనేవారు. బ్రహ్మీ ఉంటే ఆ సినిమా ఎంతో నమ్మకం. ఆయన లేకుంటే సినిమాని కొనేందుకు కూడా డిస్ట్రిబ్యూటర్స్ జంకేవారు. అలా బ్రహ్మీ శకం నడించింది. ఇప్పుడా పరిస్థితి లేదు. యంగ్ కమెడియన్స్ ఎక్కువయ్యారు. బ్రహ్మీకి బాగా అవకాశాలు తగ్గాయి.
ఈ క్రమంలోనే ఆయన బుల్లితెరపై ఫోకస్ చేసినట్టు కనిపిస్తోంది. ఇప్పటికే కమెడియన్ అలీ బుల్లితెరపై రాణిస్తున్నారు. ‘అలీతో సరదా’ అనే షోకి హోస్ట్ గా వ్యవహరిస్తున్నారు. ఇప్పుడు బ్రహ్మీ కూడా రంగంలోకి దిగారు. మెగాస్టార్ చిరంజీవి, కింగ్ నాగార్జున, యంగ్ టైగర్ ఎన్ టీఆర్ బుల్లితెరపై అడుగుపెట్టారు. ఇప్పుడు బ్రహ్మీ వస్తున్నాడు. జర భద్రం.. కడుపు చెక్కలయ్యేలా నవ్వించగలడు… !
