పక్కా : చిరుతో స్వీటీ రొమాన్స్
మెగాస్టార్ చిరంజీవితో స్వీటీ అనుష్క రొమాన్స్ చేయడం పక్కా అయ్యింది. ప్రస్తుతం మెగాస్టార్ ‘సైరా నర్సింహారెడ్డి’తో బిజీగా ఉన్నారు. గొప్ప స్వాతంత్ర పోరాట యోధుడు ‘ఉయ్యాలవాడ నర్సింహారెడ్డి’ జీవిత కథతో తెరకెక్కుతోన్న చిత్రమిది. సురేందర్ రెడ్డి దర్శకుడు. బిగ్ బీ అమితాబ్, నయనతార, తమన్నా, విజయ్ సేతుపతి, కిచ్ఛ సుధీప్, జగపతి బాబు.. కీలక పాత్రల్లో నటిస్తున్నారు. టాలీవుడ్ నుంచి ‘బాహుబలి’ తర్వాత ఆ రేంజ్ లో తెరకెక్కుతోన్న చిత్రమిది. తెలుగు, తమిళ్ తో పాటు హిందీలోనూ విడుదల చేయనున్నారు.
ఈ సినిమా తర్వాత బ్లాక్ బస్టర్ హిట్స్ దర్శకుడు కొరటాల శివ దర్శకత్వంలో మెగాస్టార్ ఓ సినిమా చేయబోతున్నాడు. ఇప్పటికే కథ ఓకే అయ్యింది. ఇందులో చిరు సరసన స్వీటీ అనుష్క జతకట్టబోతున్నట్టు ప్రచారం జరిగింది. ఇప్పుడా ప్రచారం నిజమైంది. చిరుకి జంటగా అనుష్కని ఓకే చేసింది చిత్రబృందం. బాహుబలి, భాగమతి తర్వాత ఓ అద్భుతమైన కథ కోసం వెయిట్ చేస్తోంది స్వీటీ. ఇలాంటి సమయంలో ఆమె మెగాస్టార్ సినిమా ఆఫర్ రావడం.. ఓకే చెప్పడం జరిగిపోయాయి. ఈ సినిమా కూడా కొరటాల స్టయిల్ లో సోషల్ మెసేజ్ తో ఉంటుందని చెబుతున్నారు.ఈ యేడాది చివరల్లో చిరు-కొరటాల సినిమా సెట్స్ మీదకు వెళ్లనుంది. ఈ చిత్రాన్ని రామ్ చరణ్ నే నిర్మించనున్నారు.
