‘మహర్షి’ షూటింగ్ లో విజయ్ దేవరకొండ.. !

‘గీత గోవిందం’తో విజయ్ దేవరకొండ టాలీవుడ్ స్టార్ హీరోల సరసన చేరిపోయాడు. ఈ విషయాన్ని స్వయంగా మెగాస్టార్ చిరంజీవినే చెప్పడంతో ఇంకెవ్వరు కాదనలేని పరిస్థితి. ఇప్పుడీ స్టార్ హీరో సూపర్ స్టార్ మహేష్ బాబు ‘మహర్షి’ సినిమా సెట్స్ లో సందడి చేశారు. వంశీపైడిపల్లి దర్శకత్వంలో మహేష్ ‘మహర్షి’ తెరకెక్కుతోన్న సంగతి తెలిసిందే. ప్రస్తుతం ఈ సినిమా షూటింగ్ హైదరాబాద్ లో జరుగుతోంది.

ఈ సినిమా సెట్ లో విజయ్ దేవరకొండ దర్శనమిచ్చారు. కొద్దిసేపు మహేష్ తో ముచ్చటించారు. ఈ సందర్భంగా మహేష్, దర్శకుడు వంశీపైడిపల్లితో తీసుకొన్న ఫోటోను తన ట్విట్టర్ ఖాతాలో పోస్ట్ చేశాడు విజయ్. ‘మహేష్ సినిమా టికెట్స్ కోసం ఫైటింగ్ చేసేవాడ్ని.. ఇప్పుడు ఆయన సినిమా సెట్ లో.. సంతోషంగా ఉంది’ అని కామెంట్. ఇప్పుడీ పిక్ సోషల్ మీడియాలో వైరల్ గా మారింది.

ఇక, విజయ్ దేవరకొండని ‘అర్జున్ రెడ్డి’గా చూపించిన దర్శకుడు సందీప్ వంగా దర్శకత్వంలో మహేష్ ఓ సినిమా చేయబోతున్నట్టు ప్రచారం జరుగుతోంది. ఇప్పటికే సందీప్ చెప్పిన కథని మహేష్ ఓకే చేశాడు. దానికి ‘చెక్కెర ఫ్యాక్టరీ’ టైటిల్ అనుకొంటున్నారని చెప్పుకొంటున్నారు. ‘మహర్షి’ తర్వాత మహేష్ చేయబోయే సినిమా ఇదే అయి ఉంటుందనే ప్రచారం జరుగుతోంది. ప్రస్తుతం సందీప్ వంగా బాలీవుడ్ షాహిద్ కపూర్ హీరోగా ‘అర్జున్ రెడ్డి’ రిమేక్ చేస్తున్నాడు. మరికొద్ది రోజుల్లో మహేష్-సందీప్ ల సినిమాపై క్లారిటీ రానుంది.

Mahesshhhh sir ❤
and Vamshi anna ❤
On set #Maharshi

From fighting for his movies tickets to chilling with the man on his set discussing about your work. Full love 🙂 pic.twitter.com/81JEYqIOav

— Vijay Deverakonda (@TheDeverakonda) August 24, 2018