అమరావతి బాండ్ల లిస్టింగ్‌ ప్రారంభం
ముంబైలోని బీఎస్‌ఈలో అమరావతి బాండ్ల లిస్టింగ్‌ కార్యక్రమం ప్రారంభమైంది. వాణిజ్య పరిభాషలో ఆంగ్లంలో ‘లిస్టింగ్‌’గా వ్యవహరించే ఈ కార్యక్రమంలో ముఖ్యమంత్రి చంద్రబాబు పాల్గొన్నారు. జ్యోతి ప్రజ్వలన అనంతరం 9.15 గంటలకు చంద్రబాబు గంట కొట్టి నమోదును లాంఛనంగా ప్రారంభించారు. కాగా, రాజధాని నిర్మాణానికి అవసరమైన నిధుల సమీకరణకు సీఆర్‌డీఏ ఇటీవల ఎలక్ట్రానిక్‌ ప్లాట్‌ఫామ్‌పై బాండ్లను జారీ చేయగా కేవలం గంట వ్యవధిలోనే మదుపరుల నుంచి రూ.2 వేల కోట్లు సమకూరిన సంగతి తెలిసిందే.
