ఫన్నీ : తనయుడితో దెబ్బలు తిన్న తారక్
తారక్ తన తనయుడు అభయ్ రామ్ కోసం పంచింగ్ బ్యాగ్ గా మారాడు. తనయుడుతో తన్నులు తిట్టున్నాడు. ఈ వీడియోని తారక్ తన ఇన్ స్ట్రో గ్రామ్ లో పోస్ట్ చేశాడు. అభయ్ రామ్ తారక్ బుగ్గులపై పంచులిస్తున్న వీడియో అది. చాలా ఫన్నీగా ఉన్న ఈ వీడియోని పోస్ట్ చేసిన తారక్.. ‘తనయుడు కోసం పంచింగ్ బ్యాగ్ గా మారినప్పుడు’ అనే కామెంట్ పెట్టాడు. ఇప్పుడీ వీడియో సోషల్ మీడియాలో వైరల్ గా మారింది.
ప్రస్తుతం తారక్ ‘అరవింద సమేత’తో బిజీగా ఉన్నాడు. త్రివిక్రమ్ దర్శకత్వంలో తెరకెక్కుతోన్న ఈ సినిమాపై ప్రేక్షకుల్లో భారీ అంచనాలున్నాయి. స్వాత్రంత్య్ర దినోత్సవం సందర్భంగా ప్రేక్షకుల ముందుకొచ్చిన ఈ సినిమా టీజర్.. ఎన్ టీఆర్ రంగంలోకి దిగితే ఎట్టుట్టదో చూపించేసింది. త్వరలోనే ఈ సినిమా నుంచి సెకండ్ టీజర్ రాబోతున్నట్టు ప్రచారం జరిగింది. ఐతే, అలాంటిదేమీ లేదు. త్వరలోనే ట్రైలర్ ని విడుదల చేస్తామని చిత్రబృందం క్లారిటీ ఇచ్చింది.
రాయలసీమ ఫ్యాక్షన్ నేపథ్యంలో తెరకెక్కుతోన్న చిత్రమిది. ఈ చిత్రంలో తారక్ సరసన పూజా హెగ్డే జటకట్టనుంది. సునీల్ కీలక పాత్రలో కనిపించనున్నాడు. థమన్ సంగీతం. రాథాకృష్ణ నిర్మాత. దసరా కానుకగా అరవింద సమేత ప్రేక్షకుల ముందుకు రానుంది.
