జయ మరణం : షూటింగ్ క్యాన్సిల్ చేసుకొన్న మహేష్
టాలీవుడ్ లో మరో విషాదం చేటుచేసుకొంది. మహిళా దర్శకురాలు బి. జయ గుండెపోటుతో మృతిచెందారు. ఆమె ఆకస్మిక మరణం ఇండస్ట్రీని షాక్ కు గురిచేసింది. పలువురు సినీ ప్రముఖులు జయ మృతదేహాన్ని సందర్శించి నివాళులు అర్పిస్తున్నారు. సూపర్ స్టార్ మహేష్ బాబు జయకు నివాళులర్పించారు.
ఆయన ప్రస్తుతం ‘మహర్షి’ సినిమా షూటింగ్ లో బిజీగా ఉన్న సంగతి తెలిసిందే. జయ మరణవార్త విని షాక్ కు గురైన మహేష్.. ఈరోజు షూటింగ్ ని క్యాన్సిల్ చేసుకొని హైదరాబాద్ వచ్చినట్టు తెలిసింది. జయ భౌతికకాయానికి నివాళులు అర్పించిన మహేష్… జయ మరణం వ్యక్తిగతంగా తనకెంతో లోటని తెలిపారు. మహేష్ బాబు నటించిన చాలా సినిమాలకు బీఏ రాజు పీఆర్వోగా వ్యవహరించారు.
