‘పందెంకోడి 2’ టీజర్ టాక్

పందెంకోడి’గా తెరకు పరిచయమయ్యాడు విశాల్. 2005లో లింగుస్వామి దర్శకత్వంలో వచ్చిన ఈ చిత్రం సూపర్ హిట్ అయ్యింది. ఇప్పుడీ సినిమా సీక్వెల్ తెరకెక్కుతోన్న సంగతి తెలిసిందే. ఈ సినిమాలో విశాల్ సరసన కీర్తి సురేష్ జతకట్టనుంది. విశాల్ ప్రేయసి వర లక్ష్మీశరత్ కుమార్ విలన్ పాత్రలో కనిపించనుంది.

తాజాగా, ఈ సినిమా టీజర్ ని విడుదల చేసింది చిత్రబృందం. ‘పందెంకోడి’ క్లైమాక్స్ సీన్ ‘ఏ రోజైనా మళ్లీ కత్తిపట్టే దమ్ముంటే రారా వచ్చి నరకరా..’ అనే డైలాగ్ తో టీజర్ మొదలైంది. ఆ తర్వాత 2018 షిఫ్ట్ చేస్తూ… తిరనాళ్లపై టీజర్ ని కట్ చేశారు.

‘నేనింకా ఆడుకోవడం మొదలు పెట్టలేదు. అడ్డుకోవడమే మొదలు పెట్టాను’

‘ఇది పులి, మేక ఆటకాదు.. పులిమేక కలిసి ఆడే ఆట’ డైలాగ్స్ బాగా పేలాయి.

కీర్తి సురేష్ విజల్ వేయడం ఆకట్టుకుంటోంది. మొత్తంగా రెండో పందెంకోడి మాస్ మస్త్ గా నచ్చేలా ఉన్నాడు. దానికి తగ్గట్టుగానే టీజర్ లో యాక్షన్ కి పెద్ద పీఠవేస్తూ కట్ చేశారు. ఇక, తెలుగు, తమిళ భాషల్లో తెరకెక్కిన ఈ చిత్రం అక్టోబర్‌ 18న ప్రేక్షకుల ముందుకు రానుంది. ఈ చిత్రానికి యువన్‌ శంకర్‌ రాజా సంగీతం అందిస్తున్నారు. లైకా ప్రొడక్షన్ నిర్మిస్తోంది.