ఇంటరాగేషన్ లో నిఖిల్.. అసలేమైంది !?

యంగ్ హీరో నిఖిల్ ని ఇంటరాగేషన్ చేశారు. ఆయన గురించి ఎవ్వరికీ తెలియని విషయాలని గుచ్చి గుచ్చి అడగారు. తన తమ్ముడిని ర్యాగింగ్ చేసిన కుర్రాళ్లని.. నిఖిల్ కాలేజీకి వెళ్లి కొట్టినట్టు అప్పట్లో ప్రచారం జరిగింది. దీనిపై నిఖిల్ ని లోతుగా ప్రశ్నించారు. ఇక, హీరోయిన్స్ కు నిఖిల్ ముద్దులు ఇవ్వడం, వారితో ముద్దుగులు పెట్టించుకోవడంపై ప్రశ్నించారు. దీనికి సంబంధించిన ప్రూఫ్ ని కూడా ఆయన ముందు ఉంచి ప్రశ్నించారు. ఇక, నిఖిల్ ఎక్కువగా షాపింగ్ ఓపెన్స్ కు వెళ్లడం వెనక ఉన్న రహస్యాన్ని ఇంటరాగేషన్ లో నిఖిల్ తో చెప్పించారు.

ఐతే, ఇది పోలీసు ఇంటరాగేషన్ కాదు. ఓ ప్రముఖ టీవీ ఛానెల్ ‘హీరో నిఖిల్ తో ఇంటరాగేషన్’ అంటూ నిర్వహించిన స్పెషల్ షో. ఇందులో నిఖిల్ మనసు విప్పి మాట్లాడారు. తన తమ్ముడి విషయంలో గొడవపడినట్టు జరిగిన ప్రచారం. ఓ హీరోయిన్ తనకు ముద్దు ఇవ్వడంపై క్లారిటీ ఇచ్చారు. ఇక, డబ్బుల కోసమే షాపింగ్స్ ఓపెన్స్ వెళ్లడం నిజమేనని ఒప్పుకొన్నారు. కాకపోతే.. స్వచ్ఛంధ సంస్థల కోసం వెఌతే.. ఎలాంటి ఛార్జ్ చేయని చెప్పారు. సినిమా ప్రమోషన్స్ విషయంలో సీరియస్ గానే ఉంటాను. కాకపోతే.. ఎంత ప్రచారం చేసిన సినిమా బాగుంటేనే ప్రేక్షకులు ఆదరిస్తారని తెలిపారు నిఖిల్.

ఇదిలా ఉండగా.. నిఖిల్ సినిమాలు విభిన్నంగా ఉంటాయనే ముద్రపడిపోయింది. ‘స్వామి రారా’ సినిమా నుంచి నిఖిల్ విభిన్నమైన సినిమాలు చేసుకొంటూ వెళ్తున్నారు. కార్తికేయ, సూర్య వర్సెస్ సూర్య, ఎక్కడికిపోతావు చిన్నవాడ, కేశవ లాంటి విభిన్న సినిమాలతో విజయాలు అందుకొన్నాడు. ఆయన గత చిత్రం ‘కిర్రాక్ పార్టీ’ మాత్రం ఆశించిన స్థాయిలో ఆడలేదు. ప్రస్తుతం నిఖిల్ ‘ముద్ర’ సినిమాతో బిజీగా ఉన్నారు. తమిళ సూపర్‌హిట్ ‘కనితన్‌’కు రీమేక్‌ ఇది. టీఎన్‌ సంతోష్ దర్శకుడు. నిఖిల్ సరసన లావణ్య త్రిపాఠి జతకట్టనుంది.