బాలయ్య తొలిసారి సీఎం అయ్యారు
హీరో బాలకృష్ణ తొలిసారి ముఖ్యమంత్రి అయ్యారు. అలాగని బావ చంద్రబాబును వెన్నుపోటు పొడవలేదు. ఆయన్ని గద్దె దించలేదు. ఇది ‘ఎన్టీఆర్’ బయోపిక్ మేటరు. క్రిష్ దర్శకత్వంలో ఎన్టీఆర్ జీవితకథ తెరకెక్కుతోన్న సంగతి తెలిసిందే. వచ్చే యేడాది సంక్రాంతి కానుకగా ప్రేక్షకుల ముందుకు తీసుకురానుంది. ఐతే, ఈ యేడాది డిసెంబర్ నాటికి షూటింగ్ మొత్తం పూర్తి చేయాలని చిత్రబృందం టార్గెట్ పెట్టుకొంది. అందుకు తగ్గట్టుగానే జెడ్ స్వీడుతో షూటింగ్ ని కొనసాగిస్తున్నారు.
ఈ సినిమా షూటింగ్ మొన్నటివరకు అబిడ్స్ లోని ఎన్టీఆర్ నివాసంలో జరిగింది. ఈరోజు (సోమవారం) నుంచి కొత్త షెడ్యూల్ మొదలైంది. ఈ షెడ్యూల్ లో అసెంబ్లీకి సంబంధించిన కొన్ని సన్నివేశాలు చిత్రీకరిస్తున్నారు. ఎన్టీఆర్ తొలిసారి ముఖ్యమంత్రి అయిన ఏపీసోడ్ ని తెరకెక్కిస్తున్నారు. ఇందులో భాగంగా ఎన్టీఆర్ తొలిసారి ముఖ్యమంత్రిగా ప్రమాణ స్వీకారం చేసే సీన్స్. ఆ వెంటనే తీసుకొన్న సంచలన నిర్ణయాలని తెరకెక్కిస్తున్నారు. ఆ సమయంలో ఎన్టీఆర్ గర్జిస్తున్న సింహంలా కనిపించనున్నాడని చెబుతున్నారు. ఆనాటి ఎన్ టీఆర్ ని ఈనాడు బాలయ్యలో చూసుకొని అన్నగారి అభిమానులు మురిసిపోవడం. ఖాయం.
