మహేష్ టైటిల్ తో పూరి సినిమా

సినిమా టైటిల్స్ పెట్టడంలో దర్శకుడు పూరీ జగన్నాథ్ ది డిఫరెంట్ శైలి. తిట్లనే టైటిల్స్ చేసిన ఘనత పూరీది. ఇండియట్, పోకిరి.. తదితరల టిట్ల కి క్రేజీని తీసుకొచ్చిన దర్శకుడు ఆయన. తాజాగా పూరి మరో వెరైటీ టైటిల్ పట్టారు. ‘వాస్కోడగామా’ అనే టైటిల్ ని ఫిల్మ్ ఛాంబర్ లో రిజిస్టర్ చేయించారు. ఈ టైటిల్ పూరి సూపర్ స్టార్ మహేష్ కోసం అనుకొన్నాడనే ప్రచారం గతంలో జరిగింది. మహేష్ కోసం ఎనిమి, జ‌స్టిస్‌.. అనే పేర్లు ప‌రిశీలించారు. చివరకు’వాస్కోడ గామా’ ఫిక్సయినట్టు చెప్పుకొన్నారు.

ప్రస్తుతం మహేష్ బిజీ. ఆయన పూరికి అవకాశం ఇచ్చేలా కనబడటం లేదు. దీంతో మహేశ్ కోసం అనుకొన్న ‘వాస్కోడగామా’ టైటిల్ ని పూరి తన తనయుడు ఆకాష్ కోసం వాడబోతున్నట్టు సమాచారమ్. ‘మెహబూబా’ తర్వాత పూరి తనయుడు ఆకాష్ తో మరో సినిమా చేసేందుకు రెడీ అవుతున్న సంగతి తెలిసిందే. ఇందులో భాగంగానే ‘వాస్కోడగామా’ టైటిల్ ని తన సొంత చిత్ర నిర్మాణ సంస్థ ‘పూరీ జగన్నాథ్ టూరింగ్ టాకీస్’పై రిజిస్టర్ చేశారు.

ఇదిలావుండగా.. ప్రస్తుతం మహేష్ ‘మహర్షి’ సినిమాతో బిజీగా ఉన్నారు. వంశీపైడి పల్లి దర్శకుడు. మహేష్ సరసన పూజా హెగ్డే జతకట్టనుంది. ఇందులో మహేష్ మూడు డిఫరెంట్ షేడ్స్ ఉన్న పాత్రలో కనిపించబోతున్నాడని చెబుతున్నారు. కాలేజీ స్టూడెంట్, ఓ అమెరికన్ కంపెనీ సీఈవో, రైతు పాత్రల్లో కనిపిస్తాడట. బాలీవుడ్ దర్శకుడు రాజ్ కుమార్ హిరానీ స్టయిల్ లో సినిమా సాగుతుందని చెబుతున్నారు. మహేష్ బర్త్ డే సందర్భంగా విడుదలైన ఈ సినిమా ఫస్ట్ లుక్ టీజర్ అదిరిపోయింది. ఈ చిత్రానికి సంగీతం దేవిశ్రీ ప్రసాద్. దిల్ రాజు-పివిపి-అశ్వినీదత్ లు సంయుక్తంగా నిర్మిస్తున్నారు