దేవుడ్ని వేడుకొంటున్న తారక్

తండ్రిపోయిన బాధలో ఉన్నాడు యంగ్ టైగర్ ఎన్టీఆర్. ఇటీవల నల్గొండ జిల్లాలో జరిగిన ఘోర రోడ్డు ప్రమాదంలో హరికృష్ణ దుర్మరణం చెందిన సంగతి తెలిసిందే. ఆ బాధ నుంచి బయటపడేందుకు తారక్ త్వరగానే షూటింగ్’కు వెళ్లిపోయాడు. ప్రస్తుతం ‘అరవింద సమేత’ షూటింగ్ హైదరాబాద్ పరిసర ప్రాంతాల్లోనే జరుగుతోంది. ప్రత్యేకంగా వేసిన ఓ దేవాలయం సెట్ లో పాటని చిత్రీకరిస్తున్నారు. అది కూడా దేవుడికి సంబంధించిన పాట అని తెలిసింది. ఇది తెలిసి తారక్ దేవుడ్ని వేడుకొంటున్నాడని ఆయన అభిమానులు చెప్పుకొని.. ఎమోషనల్ అవుతున్నారు.

దసరా కానుకగా ప్రేక్షకుల ముందుకు రానున్న ‘అరవింద సమేత’ షూటింగ్ ని ఈ నెలాఖరులోగా పూర్తి చేయాలని త్రివిక్రమ్ టార్గెట్ గాపెట్టుకొన్నారు. ఈ నేపథ్యంలో జెడ్ స్వీడుతో షూటింగ్ కానిచ్చేస్తున్నారు. మరోవైపు, డబ్బింగ్, రీ-రికార్డింగ్ కార్యక్రమాలు కొనసాగుతున్నాయి. రాయలసీమ ఫ్యాక్షన్ నేపథ్యంలో తెరకెక్కుతోన్న ఈ సినిమాలో యాక్షన్ అదిరిపోయేలా ఉండనుంది. టీజర్ తోనే ఆ విషయం అర్థమైంది. దీంతోపాటు త్రివిక్రమ్ మార్క్ ఫ్యామిలీ ఎలిమెంట్స్ ఉండనున్నాయట. ఈ సినిమాలో మహేష్ సరసన పూజా హెగ్డే జతకట్టనుంది. సునీల్ కీలక పాత్రలో కనిపించనున్నారు. థమన్ సంగీతం. రాథాకృష్ణ నిర్మాత.