రౌడీ.. పొలిటిషియన్.. లీడర్ !
‘రౌడీ’కి బ్రాండ్ అంబాసిడర్ విజయ్ దేవరకొండ. ఆయన రౌడీగా పిలిపించుకునేందుకు ఇష్టపడతాడు. ఆయన అభిమానులని రౌడీస్ గా చూస్తుంటాడు. ఇప్పుడీ రౌడీ.. పొలిటిషియన్.. లీడర్ కూడా అయ్యాడు. విజయ్ తాజా చిత్రం ‘నోటా’. తెలుగు, తమిళ్ లోనూ ప్రేక్షకుల ముందుకు రానుంది. ఈ సినిమాకు ఆనంద్‌ శంకర్‌ దర్శకత్వం వహిస్తున్నారు. మెహరీన్‌ కథానాయిక. గ్రీన్‌ స్టూడియోస్‌ పతాకంపై కె.ఇ.జ్ఞాన‌వేల్‌ రాజా సమర్పిస్తున్నారు.
తాజాగా, ఈ సినిమాకు సంబంధించిన ప్రత్యేక టీజర్‌ను చిత్ర బృందం విడుదల చేసింది. దీన్ని విజయ్ తన ట్విట్టర్ ఖాతాలో పోస్టు చేశారు. ‘రౌడీ.. పొలిటిషియన్.. లీడర్’ కామెంట్ పెట్టాడు. మరో 24 గంటల్లో సినిమా ట్రైలర్‌ విడుదల రాబోతుందని తెలిపారు. ఈ ప్రత్యేక టీజర్ ప్రారంభంలో.. ‘అర్జున్ రెడ్డి’ మార్క్ రౌడీ లుక్ లో కనిపించారు. ఆ తర్వాత పొలిటికల్.. లీడర్ గెటప్ లో కనిపించి ఆకట్టుకొన్నాడు. చివరలో ఎమోషన్ గా కనిపించాడు. మొత్తంగా.. డిఫరెంట్ లుక్స్ తో విజయ్ అదరగొట్టాడు.
