యుఎస్ లో ‘యూటర్న్’ ప్రీమియర్స్ ఎన్ని ప్రాంతాల్లో తెలుసా ?
సమంత ఇష్టపడి మరీ.. చేసిన చిత్రం ‘యూటర్న్’. ఆమె చేసిన తొలి లేడీ ఓరియెంటెడ్ చిత్రమిది. కన్నడ బ్లాక్ బస్టర్ హిట్ ‘యూ టర్న్’కు రిమేక్ ఇది. తెలుగు రిమేక్ కు మాతృక దర్శకుడు పవన్ కుమార్ దర్శకత్వం వహించారు. ఇందులో ఆది పినిశెట్టి, రాహుల్ రవీంద్రన్, భూమిక కీలకమైన పాత్రలను పోషిస్తున్నారు.
ఈ సస్పెన్స్ థ్రిల్లర్ భారీ అంచనాల మధ్య వినాయక చవితి కానుకగా రేపు (సెప్టెంబర్ 13) ప్రేక్షకుల ముందుకు రానుంది. ఐతే, ఓ రోజు ముందుగానే అంటే నేడే యుఎస్ లో యూటర్న్ ప్రీమియర్ షోస్ పడిపోనున్నాయి. అక్కడ దాదాపు 130 ప్రాంతాల్లో ప్రీమియర్ షోలు పడనున్నాయి. ఆల్రెడీ కన్నడలో బ్లాక్ బస్టర్ హిట్టైన కథ కావడం, దాన్ని సమంత టేకప్ చేయడం, ట్రైలర్ అదిరిపోయేలా ఉండటంతో సామ్ ‘యూటర్న్’ ప్రేక్షకుల్లో భారీ అంచనాలున్నాయి. ఐతే, ఈసారి భారమంతా సామ్ పైనే పడనుంది.
ఒక హత్య నేపథ్యంతో తెరకెక్కిన చిత్రమిది. ఈ చిత్రంలో ఆది పోలీసు అధికారిగా.. సామ్, రాహుల్ రవీంద్రన్ జర్నలిస్టు పాత్రల్లో నటిస్తున్నారు. ఈ సినిమాలో తన పాత్రకు సమంత సొంతంగా డబ్బింగ్‌ చెప్పుకొన్నారు. ఇక, సమంత నటించిన తమిళ చిత్రం ‘సీమరాజా’ కూడా సెప్టెంబర్ 13న ప్రేక్షకుల ముందుకు రానుంది. దీంతో పాటు ఆమె భర్త నాగ చైతన్య నటించిన ‘శైలజారెడ్డి అల్లుడు’ కూడా బాక్సాఫీస్ దగ్గర సందడి చేయబోతున్నారు.
I am quite excited about watching @Samanthaprabhu2’s #UTurn
Premieres in the US today at more than 130 locations! Go watch! 😍
I loved the original and hope this one will be next level 🤗☺️@Aadhiofficial @23_rahulr pic.twitter.com/m3h3xZ5Mzw— Pranita Jonnalagedda (@PranitaRavi) September 12, 2018
