‘సైరా’లో సాయి పల్లవి తండ్రి నటిస్తున్నారా.. !
మెగాస్టార్ చిరంజీవి 151వ చిత్రంగా ‘సైరా నర్సింహారెడ్డి’ తెరకెక్కుతోన్న సంగతి తెలిసిందే. తొలితరం స్వాత్రంత్య్ర సమరయోధుడు ఉయ్యాల నరసింహారెడ్డి జీవితకథ ఆధారంగా తెరకెక్కుతోన్న చిత్రమిది. ఈ చిత్రానికి సురేందర్ రెడ్డి దర్శకత్వం వహిస్తున్నారు. బిగ్ బీ అమితాబ్, నయనతార, జగపతి బాబు, విజయ్ సేతుపతి, కిచ్చ సుదీప్.. తదితరులు కీలక పాత్రల్లో నటిస్తున్నారు.
ఇప్పుడీ సినిమా గురించి ఓ ఆసక్తికరమైన విషయం బయటికొచ్చింది. ఇందులో హీరోయిన్ సాయి పల్లవి తండ్రి నటిస్తున్నారంట. ‘ఫిదా’ సినిమాలో సాయి పల్లవి తండ్రిగా నటించారు సాయిచంద్‌. ఈ సీనియర్ నటుడు 80లలో పలు చిత్రాల్లో నటించారు. ‘మంచు పల్లకి’ సినిమాలో మెగాస్టార్ తో కలిసి నటించారు. దాదాపు 36 యేళ్ల తర్వాత ‘ఫిదా’ సినిమాతో రీ-ఎంట్రీ ఇచ్చారు.
ఈ సినిమాలో అచ్చం తెలంగాణ రైతుగా కనిపించి ఆకట్టుకొన్నాడు. ఇప్పుడీ సీనియర్ నటుడు ‘సైరా నరసింహారెడ్డి’లో ఓ కీలక పాత్రలో నటించబోతున్నట్టు తెలిసింది. సైరాలో నరసింహారెడ్డి ముఖ్య అనుచరుడిగా ఒకరిగా సాయి చంద్ కనిపించనున్నారు. ఈ అవకాశం దక్కడం పట్ల ఆయన హర్షం వ్యక్తం చేశారు.
