ఫిక్స్ : చిరు సినిమా సంక్రాంతికే

మెగాస్టార్ చిరంజీవి సినిమా వచ్చే యేడాది సంక్రాంతికి ఫిక్సయ్యింది. ప్రస్తుతం మెగాస్టార్ తన 151 చిత్రం ‘సైరా నరసింహారెడ్డి’తో బిజీగా ఉన్నారు. తొలి స్వాత్రంత్య్ర సమరయోధుడు ఉయ్యాలవాడ నరసింహారెడ్డి జీవితకథతో తెరకెక్కుతోన్న చిత్రమిది. ఈ చిత్రానికి సురేందర్ రెడ్డి దర్శకత్వం వహిస్తున్నారు. చిరుకి జంటగా నయనతార నటిస్తున్నారు. బాలీవుడ్ మెగాస్టార్ అమితాబ్ బచ్చన్, విజయ్ సేతుపతి, జగపతి బాబు, కిచ్చ సుధీప్ తదితరులు కీలక పాత్రలో నటిస్తున్నారు.

వచ్చే యేడాది సంక్రాంతికి ప్రేక్షకుల ముందుకు వస్తుందనుకొన్న ‘సైరా’ వేసవికి వెళ్లింది. ఇక, ఈ సినిమా తర్వాత కొరటాల దర్శకత్వంలో మెగాస్టార్ ఓ సినిమా చేయబోతున్నాడు. ఈ సినిమా సంక్రాంతి రోజున మొదలు కానుంది. ఈ మేరకు చిరు, కొరటాల నిర్ణయం తీసుకొన్నట్టు తెలిసింది. ప్రస్తుతం ఈ సినిమాకు సంబంధించి స్కిప్టుని పూర్తి చేసే పనిలో కొరటాల ఉన్నారు. ఓ సామాజిక అంశాన్ని తీసుకొని.. దానికి కమర్షియల్ హంగులు అద్దడం కొరటాల ప్రత్యేకత. ఇప్పుడు చిరు సినిమా ఇదే తరహా ఉండనుందట.