సూర్య కొత్త లుక్ అదిరింది

కేవీ ఆనంద్‌ దర్శకత్వంలో సూర్య కొత్త చిత్రం తెరకెక్కుతోన్న సంగతి తెలిసిందే. ఇది సూర్య నటిస్తున్న 37వ సినిమా. ఇందులో మలయాళ సూపర్ స్టార్ మోహన్ లాల్ కీలక పాత్రలో నటిస్తున్నారు. ఇటీవలే ఈ సినిమా లండన్ షెడ్యూల్ ని పూర్తి చేసుకొంది. ప్రస్తుతం చెన్నైలో షూటింగ్ జరుపుకుంటోంది. ఇప్పుడీ సినిమాలో గురించి ఓ ఇంట్రెస్టింగ్ న్యూస్ ఒకటి బయటికొచ్చింది.

ఈ చిత్రంలో సూర్య కమాండోగా కనిపించనున్నాడు. దీనికి సంబంధించిన లుక్ బయటికొచ్చింది. దర్శకుడు కేవీ ఆనంద్, మోహన్ లాల్, సూర్య కలిసి సెట్ లో దిగిన ఫోటో ఒకటి బయటికొచ్చింది. ఇందులో సూర్య ఆఫీసర్ లుక్ కనిపిస్తున్నారు. కమాండో లుక్ ఆయనకి బాగా సూటయ్యింది.

కేవీ ఆనంద్‌ స్టైల్‌లో తెరకెక్కుతోన్న యాక్షన్‌ థ్రిల్లర్‌ ఇది. సూర్య సరసన సయేషా సైగల్‌ జతకట్టనుంది. యంగ్ హీరో ఆర్య, బాలీవుడ్‌ సీనియర్‌ యాక్టర్‌ బొమన్‌ ఇరానీలు కీలక పాత్రల్లో నటిస్తున్నారు. హారిస్‌ జయరాజ్‌ సంగీతం. లైకా ప్రొడక్షన్స్‌ నిర్మిస్తోంది.