ఎన్టీఆర్ స్థానంలో నాని

యంగ్ టైగర్ ఎన్టీఆర్ స్థానంలోకి నేచురల్ స్టార్ నాని వచ్చేశాడు. అలాగని.. ఇది బిగ్ బాస్ మేటరు కాదు. త్రివిక్రమ్ దర్శకత్వంలో తెరకెక్కుతోన్న తారక్ ‘అరవింద సమేత’ ఆడియో వేడుక ఈ నెల 20న నిర్వహించాలని ప్లాన్ చేశారు. ఆ తర్వాత కొన్ని కారణాల వల్ల ఈ వేడుకని క్యాన్సిల్ చేశారు. ఆడియోని నేరుగా అన్ లైన్’లోకి వదలనున్నారు.ఐతే, ఇప్పుడీ డేటుని ‘దేవదాస్’ ఆక్రమించుకొన్నాడు

నాగ్, నానిల మల్టీస్టారర్ గా ‘దేవదాస్’ తెరకెక్కుతోన్న సంగతి తెలిసిందే. శ్రీరామ్ ఆదిత్య దర్శకుడు. ఈ సినిమా ఆడియో వేడుక ఈ నెల 20న జరగనుంది. ఈ మేరకు చిత్రబృందం అధికారిక ప్రకటన చేసింది. ఇక, సోమవారం ఈ చిత్ర నుంచి బోలేడు బహుమతులు వచ్చేశాయి. హీరోయిన్స్ ఆకాంక్ష సింగ్, రష్మిక మందనల ఫస్ట్ లుక్ పోస్టర్స్ ని విడుదల చేశారు.

ఇదీగాక, ఈ సినిమా నుంచి ‘హే బాబు.. ‘ సాంగ్ ని విడుదల చేశారు. రామజోగయ్య శాస్త్రి రాసిన ఈ పాటని కార్తీక్, రమ్య బెహారా కలిసి పాడారు. మణిశర్మ సంగీతం అందించారు. ‘ఈ కూల్ సాంగ్ షూటింగ్ సమయంలో బాగా ఎంజాయ్ చేశాం. ఇది మీకు కూడా నచ్చుతుందని ఆశస్తున్నాం’ అంటూ నాని ట్విట్ చేశారు.

ఇందులో నాగ్ డాన్ పాత్రలో, నాని డాక్టర్ పాత్రలో నటిస్తున్నారు. డాన్, డాక్టర్ మధ్య సంబంధమేంటీ ? అనేది సినిమా చూసి తెలుసుకోవాల్సిందే. నాగ్ సరసన ఆకాంక్ష సింగ్, నాని సరసన రష్మిక మందన జతకట్టనున్నారు. . 27న ‘దేవదాస్‌’ చిత్రం ప్రేక్షకుల ముందుకొస్తుంది.