‘దేవదాస్’ ట్రైలర్ టాక్

నాగ్ – నానిల మల్టీస్టారర్ చిత్రం ‘దేవదాస్’. శ్రీరామ్ ఆదిత్య దర్శకుడు. ఈ నెల 27న ప్రేక్షుకుల ముందుకు రానుంది. గురువారం హైదరాబాద్ లో ఈ చిత్ర ఆడియో వేడుక ఘనంగా జరిగింది. ఈ సందర్భంగా సినిమా థియేట్రికల్ ట్రైలర్ ని విడుదల చేశారు. నాగ్-నానిల మధ్య వచ్చే సన్నివేశాలని హైలైట్ చేస్తూ ట్రైలర్ ని కట్ చేశారు.

నాగ్ డాన్, నాని డాక్టర్ పాత్రల్లో అంటే ఇదేదో సీరియస్ గా సాగే సినిమా అనుకొన్నారంతా. కానీ, సినిమా మొత్తం నవ్వులే నవ్వులు ఉండబోతున్నాయట. ఈ విషయాన్ని నాగ్ ఆడియో వేడుకలో చెప్పారు. ట్రైలర్ ని చూస్తే అది నిజమేనని స్పష్టమవుతోంది. ట్రైలర్ చివరలో వచ్చే మసాజ్ సీన్ హైలైట్ గా ఉంది. నాని చెక్కిలిగింతలతో నవ్వేయడం.. అది చూసి నాగ్ నవ్వుల్లో మునిగిపోవడం ఫనీగా ఉంది. ఈ నెల 27న దేవదాస్ పండగని థియేటర్స్ చూడబోతున్నారు.

దేవదాస్.. తెలుగు ప్రేక్షకుల మదిలో నిలిచేపోయిన టైటిల్ ఇది. ఈ చిత్రంలో నాగ్ గ్యాంగ్ స్టర్ పాత్రలో, ఆయన డాక్టర్ పాత్రలో నాని కనిపించబోతున్నారు. నాగ్ సరసన ఆకాంక్ష సింగ్, నాని సరసన రష్మిక మందన జతకట్టనున్నారు. ఈ చిత్రానికి మణిశర్మ సంగీతం. వైజయంతి మూవీస్ పతాకం ఫై అశ్వినిదత్ నిర్మిస్తున్నారు.