‘దేవదాస్’ పబ్లిక్ టాక్
ఎప్పుడెప్పుడా అని ఎదురుచూస్తున్న దేవ’దాస్ నాగ్, నానిలు ప్రేక్షకుల ముందుకు వచ్చేశారు. డాన్, డాక్టర్ కలిసి ప్రేక్షకులని నవ్వుల్లో ముంచెత్తబోతున్నట్టు టీజర్, ట్రైలర్ తోనే చెప్పేశారు. ఇప్పుడా నవ్వులు థియేటర్స్ లో మొదలయ్యాయి. ఇప్పటికే ‘దేవదాస్’ ఉదయం పూట ఆట మొదలైపోయింది. పబ్లిక్ టాక్ కూడా బయటికొచ్చింది.
ముందే చెప్పినట్టుగా దేవదాస్ లు నాన్ స్టాప్ గా నవ్వించేస్తున్నారు. ఐతే, ముందుగా దాస్ (నాని) మొదలెట్టాడు. సినిమాలో దాస్ ఫన్నీ సన్నివేశాల నడుమ వైద్యుడిగా ఎంట్రీ ఇచ్చాడు. ఆయన అసిస్టెంటుగా అవసరాల శ్రీనివాస్. డాక్టర్ కూచిపూడిగా వెన్నల కిశోర్, సీనియర్ డాక్టర్ గా రావు రమేష్ కనిపించారు. దాసు నవ్విస్తుండగానే.. దేవ్ (నాగ్) స్టయిలీష్ గా ఎంట్రీ ఇచ్చేశాడు.
ఆ తర్వాత వీరిద్దరు కలవడం. ఆసక్తికరమైన సన్నివేశాలతో సినిమా కొనసాగింది. ఫస్టాఫ్ ఎక్కడా బోర్ కొట్టకుండా ఎంటర్ టైనింగ్ గా సాగింది. నాగ్ , నాని ల పాత్రలు హైలైట్ గా నిలిచాయి. ఇక, సెకాంఢాఫ్ నాగ్, ఆకాంక్ష ల మధ్య వచ్చే క్యూట్ సీన్స్, నవీన్ చంద్రని దేవ హత్య చేయడం, అసలు దేవ ఎవరు ? తెలుసుకొనే ఏపీసోడ్, దేవకు సంబంధించిన ఎమోషనల్ సీన్స్, నాగ్ , నాని మధ్య కొన్ని సీరియస్ సన్నివేశాలతో సినిమా సాగింది. ఫైనల్ గా.. ‘దేవదాస్’లో నవ్వులే నవ్వులే.. ! సినిమా సూపర్ హిట్ అనే టాక్ వచ్చేసింది.
