నవాబ్.. సస్పెన్స్.. సస్పెన్స్.. సస్పెన్స్.. !

మణిరత్నం సినిమా అంటే ఓ అందమైన అనుభూతి. వెండితెరపై ఓ పెయింటింగ్ లా ఉటుంది ఆయన సినిమా. ఐతే, ఆయన ఫాంని కోల్పోయి చాన్నాళ్లయ్యింది. ఇప్పుడీ గొప్ప దర్శకుడు ఫుల్ ఫాలోకి వచ్చేశాడు. ఆయన తాజా చిత్రం
‘సెక్క సివంద వానం’. తెలుగులో ‘నవాబ్‌’ పేరుతో తెరకెక్కింది. పెద్దగా అంచనాల్లేకుండా ఈరోజు ప్రేక్షకుల ముందుకొచ్చిన ‘నవాబ్’ సడన్ సప్రైజ్ ఇచ్చినట్టు సమాచారమ్. నవాబ్ తో మళ్లీ మణిరత్నం కనిపించాడని చెప్పుకొంటున్నారు.

మణిరత్నం ‘నవాబ్’ కథని నడిపిన తీరు అద్భుతం అనే టాక్ బయటికొచ్చింది. ఓ తండ్రి ముగ్గురు కొడుకుల కథ ఇది. దీన్ని గ్యాంగ్ వార్ నేపథ్యంలో సస్పెన్స్ థ్రిల్లర్ గా మణిరత్నం మార్క్ కనిపించిందని సినిమా చూసిన ప్రేక్షకులు చెబుతున్నారు. ప్రకాష్ రాజ్, భూపతిగా కనిపించారు. ఆయన భార్య జయసుధ. వీరికి ముగ్గురు కొడుకులు.

అరవింద స్వామి వారి పెద్ద కొడుకు చెన్నైలో ఉంటాడు. అరుణ్ విజయ్ రెండవ కొడుకు దుబాయ్ లో నివాసం వుంటాడు. అలాగే శింబు మూడవ కొడుకు సెర్బియాలో ఉంటాడు. విజయ్ సేతుపతి పోలిస్ ఆఫీసర్ పాత్రలో రసూల్ గా పరిచయం చేయబడ్డాడు. ఆయన అరవింద స్వామికి క్లోజ్ ఫ్రెండ్ గా కనిపించారు. తండ్రి ప్రకాష్ రాజ్ పై ఎటాక్.. ఆయన మృతి. ఆయనపై ఎటాక్ చేసింది ఎవరు ? అనే పాయింట్ ని పూర్తిగా సస్పెన్స్ తో డీల్ చేశాడు మణి. మొత్తంగా.. నవాబ్ తో మణిరత్నం.. ఈజ్ బ్యాక్ అని చెబుతున్నారు.