‘ఆర్ఎక్స్100’ దర్శకుడి మల్టీస్టారర్ క్యాన్సిల్ !

విజయం ఇచ్చే కిక్కే వేరు. సినీ రంగంలో అయితే అది ఆకాశానికి ఎత్తేస్తుంది. ఇప్పుడు దర్శకుడు అజయ్ భూపతి ఆ కిక్కులోనే ఉన్నారు. ఆయన దర్శకత్వంలో కార్తీకేయ-పాయల్ రాజ్ పుత్ జంటగా ప్రేక్షకుల ముందుకొచ్చిన ‘ఆర్ఎక్స్100’ సంచలన విజయాన్ని నమోదు చేసింది. ‘అర్జున్ రెడ్డి’ తర్వాత ఆ రేంజ్ లో యూత్’ని ఆకట్టుకొంది. అజయ్ భూపతి ప్రతిభకు ప్రశంసలు దక్కాయి. తొలిచిత్రం కోసం ఇలాంటి బోల్డ్ కంటెంట్ ని ఎంపిక చేసుకోవడం పట్ల సినీ ప్రముఖులు ఆశ్చర్యాన్ని వ్యక్తం చేశారు.

ఈ దర్శకుడి రెండో సినిమాగా ఓ మల్టీస్టారర్ ని ప్లాన్ చేసుకొన్నాడు. రామ్, దుల్కర్ సల్మాన్ హీరోలుగా ఆ మల్టీస్టారర్ తెరకెక్కనుందనే ప్రచారం జరిగింది. ఐతే, ఇప్పుడీ మల్టీస్టారర్ ని అజయ్ భూపతి పక్కన పెట్టినట్టు సమాచారమ్. ఆ స్థానంలో నితిన్ హీరోగా ఓ సినిమా ప్లాన్ చేశాడట. భవ్య క్రియేషన్స్ బ్యానర్ పై ఈ సినిమా ఉండనుంది. త్వరలోనే సెట్స్ మీదకు తీసుకెళ్లనున్నట్టు చెబుతున్నారు.

ప్రస్తుతం నితిన్ ప్లాపుల్లో ఉన్నాడు. ‘అ ఆ’ తర్వాత నితిన్ చేసిన లై, ఛల్ మోహన్ రంగ, శ్రీనివాస కళ్యాణం ప్లాపులుగా నిలిచాయి. ఈ నేపథ్యంలో ఓ హిట్ కోసం నితిన్ అజయ్ భూపతితో జకట్టబోతున్నారు. మరీ.. ఈసారి అజయ్ భూపతి ఎంచుకొన్న బండి బోల్డ్ కంటెట్ తోనే ఉంటుందా.. ? లేదా.. క్లీన్ ఫ్యామిలీ టైపా.. ?? అన్నది చూడాలి.