‘అరవింద సమేత’ ప్రీ-రిలీజ్ వేడుక ముహూర్తం ఫిక్స్

తారక్-త్రివిక్రమ్ ల ‘అరవింద సమేత’ దసరాకు రావడం ఖాయమైంది. దసరా కానుకగా అక్టోబర్ 11న ‘అరవింద సమేత’ని ప్రేక్షకుల ముందుకు తీసుకొస్తున్నట్టు నిర్మాణ సంస్థ హారిక & హాసినీ అధికారికంగా ప్రకటించేసింది. ఐతే, అంతకంటే ముందే ఈ సినిమా ప్రీ-రిలీజ్ వేడుకని ఘనంగా నిర్వహించబోతున్నారు. దీనికి సంబంధించిన ముహూర్తం కూడా ఫిక్సయినట్టు సమాచారమ్.

అక్టోబర్ 2న హైదరాబాద్’లో ‘అరవింద సమేత’ ప్రీ-రిలీజ్ వేడుక జరగనుందని తెలిసిందే. దర్శక-నిర్మాతలతో పాటు హీరో జాతకాలని పరిశీలించి మరీ.. ఈ డేటుని ఫిక్స్ చేశారట. ఇప్పటికే సినిమాపై భారీ అంచనాలు నెలకొన్నాయి. టీజర్, సాంగ్స్, లీకైన యాక్షన్ ఏపీసోడ్ వీడియో బిట్ సినిమాపై అంచనాలని అమాంతం పెంచేశాయ్. ప్రీ-రిలీజ్ వేడుకతో అవి పీక్స్ చేరనున్నాయి.

రాయలసీమ ఫ్యాక్షన్ నేపథ్యంలో తెరకెక్కుతోన్న చిత్రమిది. అదే యాసలో ఎన్టీఆర్ డైలాగ్స్ ఉండనున్నాయి. ఇందులో తారక్ సరసన పూజా హెగ్డే జతకట్టనుంది. ప్రస్తుతం చిత్రబృందం పారిస్ లో ఉంది. అక్కడ ఓ సాంగ్, కొన్ని కీలక సన్నివేశాలని చిత్రీకరిస్తున్నారు. అక్కడ నుంచి తిరిగొచ్చాక.. సినిమా ప్రమోషన్స్ లో వేగం పెంచనుంది.