‘ఎన్టీఆర్ బయోపిక్’ టైటిల్ మారింది !
క్రిష్ దర్శకత్వంలో నట సార్వభౌముడు ఎన్టీఆర్ బయోపిక్ తెరకెక్కుతోన్న సంగతి తెలిసిందే. ఎన్టీఆర్ పాత్రలో ఆయన తనయుడు బాలకృష్ణ నటిస్తున్నారు. ఆయన భార్య పాత్రలో బాలీవుడ్ హీరోయిన్ విద్యాబాలన్ కనిపించనున్నారు. ఈ చిత్రం కోసం ‘ఎన్టీఆర్’ టైటిల్ అనుకొన్నారు. ఇప్పుడీ టైటిల్ ని ‘ఎన్టీఆర్ కథానాయకుడు’గా మార్చారు. ఈ విషయాన్ని దర్శకుడు క్రిష్ ట్విట్టర్ ద్వారా తెలియజేశారు.
‘ఎన్టీఆర్ కథానాయకుడు’ టైటిల్ పోస్టర్ ని పోస్ట్ చేశారు. జానపద చిత్రాలు చేస్తున్నసమయంలోని ఎన్టీఆర్ లుక్ ని టైటిల్ పోస్టర్ గా వదిలారు. “ప్రతి కథకీ ఓ నాయకుడుంటాడు. కానీ కథగా మారే నాయకుడొక్కడే వుంటాడు” కామెంట్ పెట్టాడు. ఇప్పుడీ ‘ఎన్టీఆర్ కథానాయకుడు’ టైటిల్ పోస్టర్ సోషల్ మీడియాలో వైరల్ గా మారింది. ఆ పోస్టర్ ని మీరు ఓ సారి చూసేయండీ.. !
ప్రతి కథకీ ఓ నాయకుడుంటాడు..
కానీ కథగా మారే నాయకుడొక్కడే వుంటాడు..
జనవరి 9 న #NTRకథానాయకుడు #NTRKathanayakuduOnJan9 pic.twitter.com/ayrh4i7Gu4— Krish Jagarlamudi (@DirKrish) October 4, 2018
