తెలుగు రాజకీయాలపై పూనమ్ షాకింగ్ కామెంట్స్
జనసేన అధినేత, పవర్ స్టార్ పవన్ కళ్యాణ్’తో లింకు పెడుతూ హీరోయిన్ పూనమ్ కౌర్ పై బోలేడు ప్రచారం జరిగింది. వీరిద్దరి మధ్య ఏదో సంబంధం ఉన్నట్టు వివాదాస్పద సినీ విశ్లేషకుడు కత్తి మహేష్ చేసిన ఆరోపణలు అప్పట్లో సంచలనంగా మారాయి. ఆ తర్వాత పూజన్.. పవన్, ఆయన స్నేహితుడు త్రివిక్రమ్ లని పరోక్షంగా ప్రస్తావిస్తూ చేసిన ట్విట్స్ చర్చనీయాంశంగా మారాయి.
ఇప్పుడీ ముద్దుగుమ్మ తెలుగు రాజకీయాలపై షాకింగ్ కామెంట్స్ చేసింది. “ఆంధ్ర-తెలంగాణ అంటూ మనవాళ్లు ఫైట్ చేసుకుంటే దానివల్ల ఎవరికి లాభం ఉండదు. ఈ ఫైట్ ను చూస్తుంటే చిన్నప్పుడు స్కూల్ లో చదువుకున్న పిల్లి.. కోతి కథ గుర్తుకు వస్తుంది” అని ట్వీట్ చేసింది. ఇప్పుడీ ట్విట్ సోషల్ మీడియాలో వైరల్ గా మారాయి.
దీనిపై వైకాపా పార్టీకి చెందిన ఓ వ్యక్తి స్పందిస్తూ.. “నోటుకు కు ఓటు వల్ల ఎవరికి నష్టం. మీ ట్వీట్ లో స్పష్టత లేదు. మీ ట్వీట్ వలన టీడీపీకి ఒక్క ఓటు కూడా పడదు” అని ట్వీట్ చేశాడు. దీనిపై పూనమ్ స్పందించింది. ‘మీరు ఎవరి ఫోటో(వైఎస్ఆర్)ను డీపీగా పెట్టుకున్నావో వారి విలువ తీయకు. అసభ్య కరమైన పదజాలంతో మాట్లాడితే చూస్తూ ఊరుకుంటామా. అసభ్యకరమైన భాషను ప్రయోగించి పంచ్ లు వేయడానికి ఇదేమైనా సినిమానా ?” అని ప్రశ్నించింది.
ఏదేమైనా.. పూనమ్ రాజకీయాలపై పడటం హాట్ టాపిక్ గా మారింది. ప్రస్తుతం పూనమ్ ఏపీ చేనేత వస్త్రాలకు బ్రాండ్ అంబాసిడర్ గా వ్యవహరిస్తున్న సంగతి తెలిసిందే. ఇదీగా, బాహుబలి మేకర్స్ నిర్మిస్తున్న ‘స్వర్ణఖడ్గం’ సీరియల్ లో పూనమ్ నటిస్తోంది.
