పక్కా : రకుల్ అతిలోక సుందరి
రకుల్ అతిలోక సుందరి. ఇప్పుడీ విషయం పక్కా అయ్యింది. క్రిష్ దర్శకత్వంలో ఎన్టీఆర్ బయోపిక్ తెరకెక్కుతోన్న సంగతి తెలిసిందే. ఎన్టీఆర్ పాత్రలో ఆయన తనయుడు బాలకృష్ణ నటిస్తున్నారు. ఆయన భార్య సతీమణి బసవతారకం పాత్రలో బాలీవుడ్ నటి విద్యాబాలన్ కనిపించనుంది. ఈ చిత్రంలో అతిలోక సుందరి శ్రీదేవి పాత్ర కోసం రకుల్ ప్రీత్ సింగ్ ని తీసుకొన్నట్టు ప్రచారం జరిగింది. ఇప్పుడీ విషయాన్ని రకుల్ ధృవీకరించింది.
‘ప్రస్తుతం అందరి కళ్లు నామీదే ఉన్నాయి. అందుకే శ్రీదేవి పాత్రలో నటించేందుకు చాలా జాగ్రత్తలు తీసుకుంటున్నా. ఆమెకు నేను కూడా అభిమానినే. ఆమె పాత్రను వెండితెర మీద చూపించటం చాలా పెద్ద సాహసం. ఈ ప్రయత్నంలో విజయం సాధిస్తానన్న నమ్మకం ఉంద’న్నారు రకుల్. ఇక, ఎన్టీఆర్ బయోపిక్ ని రెండు పార్టులుగా తీసుకురానున్నారు. పార్టు 1 ‘ఎన్టీఆర్ కథానాయకుడు’, పార్టు 2 ‘ఎన్టీఆర్ మహానాయకుడు’గా తెరకెక్కనుంది.
Rakul reveals her most challenging role till date #rakulpreetsingh #rakulpreethttps://t.co/WQ61HKUd3g pic.twitter.com/OvjaRCubxp
— Rakul Preet (@rakulpreetoffi) October 7, 2018
