అది రకుల్ స్పెషాలిటీ.. !

టాలీవుడ్ లో అతి తక్కువ కాలంలో స్టార్ హీరోయిన్ గా ఎదిగింది రకుల్ ప్రీత్ సింగ్. కెరీర్ మొదట్లో వరుసగా యంగ్ హీరోలతో జతకట్టిన రకుల్.. ఆ తర్వాత మాత్రం స్టార్ హీరోలతో జతకట్టింది. మెగా హీరోలందరితోనూ ఒక్క పవర్ స్టార్ పవన్ కళ్యాణ్ తో తప్ప ఆడిపాడింది. ఇదో రికార్డు. ఇక, కథల ఎంపిక, అందులోనూ తన పాత్ర విషయంలో తనకో లెక్క ఉంటుంది. అదెప్పుడు తప్పలేదని చెబుతోంది రకుల్ ప్రీత్ సింగ్. అందుకే త్వరగా స్టార్ హీరోయిన్ అయిపోయానని కాన్విడెంటుగా చెబుతోంది.

రకుల్ లో స్పెషాలిటీ కూడా ఉందట. రకుల్ నటించిన సినిమాలో తన పాత్రకు మంచి పేరు తెచ్చిపెడుతుందా.. ? లేదా.. ?? అన్నది ముందే ఊహించగలదట. అంతేకాదు.. ఒకరితో కొన్ని నిమిషాలు మాట్లాడితే చాలు ఆయన అంతరంగ విషయాలేమిటో ఇట్టే అర్థం చేసుకోగలుతుందట. కొన్ని సినిమాలు మాత్రం ఖాళీగా ఉండటం ఎందుకని స్టార్ హీరోలతో కమర్షియల్ సినిమాల్లో నటించాలని ఓపెన్ గా చెప్పేసింది. ఇన్నాళ్లు వేగంగా సినిమాలు చేసిన రకుల్.. ఈ మధ్య నెమ్మదించింది. ఒకప్పటిలా కమర్షియల్ సినిమాలు కాకుండా ఇకపై కథాబలం ఉన్న సినిమాలే చేస్తానని చెబుతోంది. కొన్నాళ్ల పాటు విశ్రాంతి తీసుకొంది రకుల్.

ఇప్పుడు మళ్ళీ స్పీడు పెంచింది. ప్రస్తుతం రకుల్ కోలీవుడ్ బ్రదర్స్ సూర్య, కార్తీ సినిమాల్లో నటిస్తోంది. ఇదీగాక, ఆమె చేతిలో ఓ తెలుగు, ఓ హిందీ సినిమాలు కూడా ఉన్నాయి. ఈ నెల 10న రకుల్ పుట్టినరోజు. ఐతే, అప్పుడే రకుల్ బర్త్ డే కేకు కట్ చేసింది. కార్తీ-రకుల్ జంటగా నటిస్తున్న ‘దేవ్’ షూటింగ్ శనివారం పూర్తయింది. ఆ రోజునే చిత్రబృందం రకుల్ బర్త్ డే ని సెలబ్రేట్ చేసింది. దానికి సంబంధించిన ఫోటోలు సోషల్ మీడియాలో వైరల్ గా మారాయి.