రాజమౌళి సినిమా జెడ్ స్వీడుతో.. !
రాజమౌళి సినిమా పనులు చక చకా జరిగిపోతున్నాయి. ఎన్టీఆర్, రామ్ చరణ్ లతో రాజమౌళి ఓ మల్టీస్టారర్ #RRR’ (వర్కింగ్‌ టైటిల్‌) తెరకెక్కించనున్న సంగతి తెలిసిందే. బాహుబలి తర్వాత రాజమౌళి చేయనున్న ఈ సినిమాపై ప్రేక్షకుల్లో భారీ అంచనాలున్నాయి. డిసెంబరులో షూటింగ్‌ మొదలు కాబోతోందని తెలిసింది. ప్రస్తుతం ప్రీ-ప్రొడక్షన్ పనులు జెడ్ స్వీడుతో జరుగుతున్నాయి. ఇప్పటికే ఈ సినిమా కోసం రామోజీ ఫిల్మ్ సిటీలో సెట్ నిర్మాణ పనులు జరుగుతున్నాయి.
మరోవైపు, ఈ సినిమా కోసం రాజమౌళి వర్క్ షాపు ఏర్పాటు చేశారు. నవంబర్ లో అది ఉండనుంది. తారక్, చరణ్ లు ఈ వర్స్క్ షాపుల్లో పాల్గొనబోతున్నారనే ప్రచారం జరుగుతోంది. ఇదీగాక, మ్యూజిక్ సిట్టింగ్స్ కూడా ప్రారంభమైనట్టు చెబుతున్నారు. ఈ చిత్రానికి ఎమ్‌.ఎమ్‌. కీరవాణి బాణీలు అందించనున్నారు. ఆయన ఇప్పటికే పని మొదలెట్టారని సమాచారమ్. దీంతో.. రాజమౌళి సినిమా ప్రీ-ప్రొడక్షన్ పనులు జెడ్ స్వీడుతో జరిగిపోతున్నాయని చెప్పుకొంటున్నారు.
ఇక, బాక్సింగ్‌ డ్రామాగా తెరకెక్కనున్న ఈ చిత్రంలో తారక్, చెర్రీ సోదరుల పాత్రల్లో సందడి చేయనున్నట్లు ప్రచారం జరిగింది. 2020లో ఈ సినిమా ప్రేక్షకుల ముందుకు రానుందట.
