‘లక్ష్మీస్ ఎన్టీఆర్’ కోసం కీరవాణి సోదరుడు
దర్శకుడు రాంగోపాల్ వర్మ ‘లక్ష్మీస్ ఎన్టీఆర్’ని తీసుకొస్తున్న సంగతి తెలిసిందే. ఎన్ టీఆర్ జీవితంలోకి లక్ష్మీ పార్వతీ ప్రవేశించిన తర్వాత చోటు చేసుకొన్న పరిణామాలని సినిమాలో చూపించబోతున్నారు. ఎన్ టీఆర్ జీవితంలోని నిజాలు నిజాల వెనక నిజాలని చూపించబోతున్నట్టు వర్మ తెలిపాడు. దీంతో లక్ష్మీస్ ఎన్ టీఆర్ లో సంచలన విషయాలు ఉండబోతున్నాయి. అవి వైసీపీ అనుకూలంగా టీడీపీ అధినేత, ఏపీ సీఎం చంద్రబాబుకు వ్యతిరేకంగా ఉండబోతున్నాయనే ప్రచారం జరుగుతోంది.
ఇప్పుడీ సినిమాకు సంగీత దర్శకుడు ఎవరో తెలిసిపోయింది. ‘లక్ష్మీస్ ఎన్టీఆర్’కు కల్యాణి మాలిక్ సంగీతం అందిస్తున్నారు. క్రిష్ దర్శకత్వంలో బాలయ్య తీసుకొస్తున్న ‘ఎన్టీఆర్’ బయోపిక్ కు కీరవాణి సంగీతం అందిస్తున్నారు. అదే సమయంలో వర్మ తీసుకొస్తున్న ఎన్ టీఆర్ మరో బయోపిక్ కోసం కీరవాణి సోదరుడు కల్యాణి మాలిక్ సంగీతం అందించబోతుండటం విశేషం. ఐతే, ఇది కాకతాళీయంగా జరిగింది.. ఉద్దేశ పూర్వకంగా ఆయన్ను ఈ ప్రాజెక్టుకు తీసుకోలేదని వర్మ చెబుతున్నారు.
. @kalyanimalik31 Is doing the music of Lakshmi’s NTR ..But I swear on lord Venkateshwara that he being own brother of @mmkeeravaani who’s doing music of NBK’s NTR,is purely incidental, coincidental,accidental and divinely trancedental,but definitely not INTENTIONAL pic.twitter.com/V4iW4Sksuy
— Ram Gopal Varma (@RGVzoomin) October 20, 2018
