గ్రేట్ : కమెడియన్’తో బయోపిక్

టాలీవుడ్ లో బయోపిక్ ల ట్రెండు ఊపందుకొంది. దీనికి ‘మహానటి’ సావిత్రి బయోపిక్ పునాది వేసింది. ప్రస్తుతం ‘ఎన్టీఆర్’ బయోపిక్, వైఎస్ఆర్ బయోపిక్ ‘యాత్ర’ రెండు సెట్స్ మీదున్నాయి. ఈ రెండు కూడా వచ్చే యేడాది జనవరిలో ప్రేక్షకుల ముందుకు రాబోతున్నాయి. వీటితో పాటు ఎన్టీఆర్ జీవితకథ ఆధారంగా రాంగోపాల్ వర్మ తీసుకొస్తున్న ‘లక్ష్మీస్ ఎన్టీఅర్’ కూడా రాబోతుంది. ఐతే, ఇవి పొలిటికల్ నేపథ్యం ఉన్న కథలతో తెరకెక్కుతున్నవి కావడ విశేషం.

కమెడియన్ ప్రియదర్శితో సురేష్ ప్రొడక్షన్ ఓ బయోపిక్ ని తీసుకురాబోతుంది. పద్మశ్రీ అవార్డు అందుకున్న చేనేత కార్మికుడు మల్లేశం జీవిత కథ ఆధారంగా తెరకెక్కనున్న చిత్రమిది. నేతన్నలకు శ్రమ తగ్గించేలా కొత్త యంత్రాన్ని కనుగొన్న మల్లేశం పాత్రలో ప్రియదర్శి కనిపించబోతున్నాడు. ఈ కథని చాలా రియలస్టిక్ గా చూపించబోతున్నారు. ప్రస్తుతం ప్రీ-ప్రొడక్షన్ పనులు జరుగుతున్నాయి. దీంతో టాలీవుడ్ లో మరో కమెడియన్ హీరోగా అయిపోయినట్టే.. !